jhapaonline add
झापा, १३ असार । माध्यमिक शिक्षा परीक्षा (एसइई)को नतिजा आज सार्वजनिक भएको छ । यस पटक एसईईमा ६१.८१ प्रतिशत विद्यार्थी उत्तीर्ण भएका छन् । राष्ट्रिय परीक्षा बोर्डका अध्यक्ष डा महाश्रम शर्माले पत्रकार सम्मेलनमार्फत आज साँझ २०८१ सालको एसइईको नतिजाबारे जानकारी दिनुभयो । गत २०८१ सालको चैत ७ गतेदेखि १९ गतेसम्म सञ्चालन भएको एसइईमा नियमिततर्फ ४ लाख ३१ हजार ४६६ र ग्रेड वृद्धितर्फ ६७ हजार ७१५ गरी जम्मा ४ लाख ९९ हजार १८३ विद्यार्थी सहभागी भएका थिए । सार्वजनिक गरिएको नतिजा अनुसार ४८ हजार १७७ जना विद्यार्थीले ३.६ देखि ४.० जिपिए ल्याएका छन् । ८१ हजार ३८५ जनाले ३.२ देखि ३.६…
झापा, १३ असार । चालु आर्थिक वर्ष २०८१/८२ मा नेपालमा कुल १४ लाख २० हजार ६३६ हेक्टर क्षेत्रफलमा धान खेती गरिएको छ। कृषि तथा पशुपक्षी विकास मन्त्रालय अन्तर्गतको कृषि विभागले शुक्रबार प्रेस विज्ञप्ति जारी गर्दै यो जानकारी दिएको हो। विभागका महानिर्देशक प्रकाश सञ्जेलका अनुसार वर्षे र चैते दुवै मिलाएर ५९ हजार ४७६ मेट्रिक टन धान उत्पादन भएको छ। अघिल्लो वर्षको तुलनामा खेती क्षेत्र १.२८ प्रतिशतले घटे पनि उत्पादकत्वमा सुधार आएपछि कुल उत्पादन ४.०४ प्रतिशतले वृद्धि भएको जनाइएको छ। सरकारी तथ्यांकअनुसार, मुलुकलाई आवश्यक पर्ने करिब ७० लाख मेट्रिक टन धानमध्ये करिब १० लाख मेट्रिक टनको अभाव छ। चालु आर्थिक वर्षको जेठ…
वीरगञ्ज, १३ असार । वीरगन्ज महानगरपालिका–२८ स्थित सडक खण्डमा आज दिउँसो ट्याक्टर अनियन्त्रित भई पल्टिँदा सोही ट्याक्टरले च्यापिएर दुई जनाको घटनास्थलमै मृत्यु भएको छ भने एकजना गम्भीर घाइते भएका छन् । वीरगन्ज महानगरपालिका–२८ बगहीमा आज दिउँसो ट्र्याक्टर पल्टिँदा बगही निवासी स्थानीय पन्नालाल पटेलका १७ वर्षीय छोरा आकाश पटेल र राजेश पटेलका १८ वर्षीय छोरा गोलु पटेलको घटनास्थलमै मृत्यु भएको प्रहरीले जनाएको छ । ट्याक्टर दुर्घटनामा वीरगन्ज महानगरपालिका–२८ इनर्वाका १९ वर्षीय जयकुमार मण्डल गम्भीर घाइते भएको र उनलाई उपचारका लागि नारायणी अस्पताल वीरगन्जमा पठाइएको प्रहरीले जनाएको छ । पर्साको भेडाहा खोलाबाट बालुवा लिएर बगही जाँदै गरेको नम्बर प्लेट मेटिएको ट्याक्टर आज…
झापा, १३ असार । झापाको अर्जुनधारा नगरपालिकाबाट लागुऔषध गाँजासहित दुई जना पक्राउ परेका छन् । अर्जुनधारा–६ की ५९ वर्षीया अमृतमाया लिम्बु र इलाम नगरपालिका–१२ घर भई हाल झापाको अर्जुनधारा–१ स्थित निर्माणाधीन पुलमा काम गर्दै आएका २० बर्षीय रोशन भट्टराईलाई १ किलो ८ सय ८८ ग्राम ६ सय ३० मिलिग्राम गाँजासहित प्रहरी चौकी शनिश्चरेले पक्राउ गरेको हो । त्यस्तै, प्रहरी चौकी भरौल सुनसरीको प्रहरी टोलीले बराहक्षेत्र नगरपालिका–४ स्थितबाट चेकजाँचको क्रममा को. १ ह ९५१० नम्बरको अटो भित्रबाट लुकाई छिपाई राखेको ७५ किलो गाँजा बरामद गरेसँगै अटो चालक इटहरी–१० का ४५ बर्षीय सुरतलाल चौधरीलाई नियन्त्रणमा लिएको छ ।
सन्तोष शर्मा झापा, १३ असार । झापामा हात्तीको आक्रमणबाट ७२ जना मानिसको मृत्यु भएको छ । आर्थिक वर्ष २०६७/०६८ देखि २०८१/०८२ को हालसम्म सात जना गैर नेपालीसहित ७२ जनाको मृत्यु भएको डिभिजन वन कार्यालय झापाका डा. सुमन भलले जानकारी दिनुभयो । सोही अवधिमा हात्तीको आक्रमणमा परी ९२ जना घाइते भएका छन् । चालू आर्थिक वर्ष २०८१/०८२ को साउन महिनादेखि हालसम्म हात्तीको आक्रमणमा परी पाँच जनाको मृत्यु भएको छ भने छ जना घाइते भएका छन् । पछिल्लो १५ वर्षको तथ्यांक हेर्दा औषतमा बर्सेनि पाँच जनाको मृत्यु भएको देखिन्छ । जिल्लामा मानव–हात्ती द्वन्द्व न्यूनीकरणका लागि विद्युतीय तारवार, जैविक मार्ग निर्माण, वन क्षेत्रमा…
झापा, १३ असार । नेपाल राष्ट्र बैंकले आजका लागि विदेशी मुद्राको विनिमय दर निर्धारण गरेको छ । राष्ट्र बैंकका अनुसार अमेरिकी डलर एकको खरिददर १३६ रुपैयाँ ८४ पैसा र बिक्रीदर १३७ रुपैयाँ ४४ पैसा निर्धारण गरिएको छ । युरोपियन युरो एकको खरिददर १६० रुपैयाँ १४ पैसा र बिक्रीदर १६० रुपैयाँ ८४ पैसा, युके पाउण्ड स्ट्रलिङ एकको खरिददर १८७ रुपैयाँ ६१ पैसा र बिक्रीदर १८८ रुपैयाँ ४४ पैसा, स्वीस फ्रयाङ्क एकको खरिददर १७० रुपैयाँ ६७ पैसा र बिक्रीदर १७१ रुपैयाँ ४१ पैसा कायम गरिएको छ । अष्ट्रेलियन डलर एकको खरिददर ८९ रुपैयाँ ४१ पैसा र बिक्रीदर ८९ रुपैयाँ ८० पैसा, क्यानेडियन…
झापा, १३ असार । गुल्मीमा विषालु च्याउको तरकारी पकाएर खाँदा एकै परिवारका तीन जना बिरामी परेका छन्। बिरामी पर्नेहरुमा मुसिकोट नगरपालिका–४ दिगामचौरका ६८ वर्षीया फूलमाया कुमाल, ७६ वर्षीय थम्मनबहादुर कुमाल र ३६ वर्षीया गीता कुमाल रहेका जिल्ला प्रहरी कार्यालयका सूचना अधिकारी एवं प्रहरी नायब उपरीक्षक गङ्गाबहादुर सारुले जानकारी दिए। बिहीबार जङ्गलबाट टिपेर ल्याएको च्याउ पकाएर खाएपछि गए रातिनै उनीहरुलाई टाउको दुख्ने, रिङ्गाटा लाग्ने र बान्ता हुनेजस्ता लक्षण देखिएको थियो। बिरामी भएका तीनै जनालाई गए राति उपचारका लागि पाल्पास्थित लुम्बिनी मेडिकल कलेज प्रभास पठाइएको थियो। घटनाको जानकारी पाउनासाथ गए रातिनै इन्द्रगौडा प्रहरी पोष्टबाट प्रहरी हवल्दार कृष्णमोहन केवटको नेतृत्वमा खटिएको प्रहरी टोलीले…
झापा, १३ असार । सप्तरीको राजगढ गाउँपालिका–४ प्रिपाहीमा एक युवकको बीभत्स हत्या भएको छ । डाक्नेश्वरी नगरपालिका–८ का ३२ वर्षीय राजकुमार खंगको राजगढ गाउँपालिका–४ प्रिपाहीमा घाँटी रेटी हत्या भएको अवस्थामा शव फेला परेको जिल्ला प्रहरी कार्यालय सप्तरीले जनाएको छ । हत्या भएको अवस्थामा स्थानीयले शव देखेपछि प्रहरीलाई खबर गरेका थिए । मृतकको शव परीक्षणका लागि राजविराजस्थित गजेन्द्रनारायण सिंह अस्पतालमा राखिएको छ भने मधेस प्रदेश प्रहरी कार्यालयबाट तालिम प्राप्त कुकुरसहित घटना अनुसन्धानको लागि टोली खटिएको छ ।
झापा, १३ असार । जल तथा मौसम विज्ञान विभागको मौसम पूर्वानुमान महाशाखाले आजको सम्भावित वर्षाबारे जानकारी दिएको छ। महाशाखाले बिहान ६ बजे जारी गरेको संक्षिप्त बुलेटिनअनुसार आज दिउँसो गण्डकी प्रदेश, लुम्बिनी प्रदेश, कर्णाली प्रदेश र सुदूरपश्चिमप्रदेश लगायत बाँकी प्रदेशका पहाडी भूभागका केही स्थान र बाँकी भूभागका थोरै स्थानमा मेघगर्जन–चट्याङसहित हल्कादेखि मध्यम वर्षाको सम्भावना छ। गण्डकी प्रदेश, लुम्बिनी प्रदेश, कर्णाली प्रदेश र सुदूरपश्चिम प्रदेशलगायत कोसी प्रदेश र बागमती प्रदेशका पहाडी भूभागका एक–दुई स्थानमा भारी वर्षाको पनि सम्भावना छ। सबै प्रदेशका उच्च पहाडी तथा हिमाली भूभागका थोरै स्थानमा हल्कादेखि मध्यम वर्षा–हिमपातको सम्भावना छ । कोसी प्रदेश, बागमती प्रदेश, गण्डकी प्रदेश र लुम्बिनी…
सुरुङ्गा, १२ असार । झापाको कनकाई नगरपालिका–३ मा असार १४ गते फुटसल प्रतियोगिता हुने भएको छ । आरएफसी युथ क्लब सुरुङ्गाको आयोजना तथा एसियालिङ्क सर्भिसेस् काठमाडौंको प्रायोजनमा प्रतियोगिता हुने भएको हो । प्रतियोगिताको तयारी पूरा भइसकेको आज यहाँ पत्रकार सम्मेलनको आयोजना गरी आयोजकले जनाएको छ । आयोजक समितिका अध्यक्ष बाबु लिङ्लेकु लिम्बूका अनुसार युवा पुस्तालाई लागुऔषध दुव्यर्सन र अन्य विकृतिबाट टाढा रहँदै खेल जीवनमा फर्कन सन्देशसहित प्रतियोगिता आयोजन गर्न लागिएको हो । प्रतियोगितामा प्रथम हुनेले नगद २५ हजार र दोस्रो हुने टिमले १५ हजार नगद, ट्रफी र प्रमाणपत्र प्राप्त गर्नेछन् । बेस्ट प्लेयरलाई ३ हजार नगद र प्रमाणपत्र प्रदान गरिनेछ…