jhapaonline add
झापा, २३ असार । भ्याक्सिनेटरहरूको भुक्तानीबाट २० प्रतिशत कमिसनस्वरूप घुस मागेको आरोपमा सप्तरीको राजविराजस्थित भेटेरिनरी अस्पताल तथा पशु सेवा विज्ञ केन्द्रका निमित्त कार्यालय प्रमुख डा राम पवित्र दास र सवारी चालक भोगेन्द्र यादव पक्राउ परेका छन् । अख्तियार दुरुपयोग अनुसन्धान आयोगको इटहरी कार्यालयबाट खटिएको टोलीले यादवलाई घुसस्वरूप लिएको ३३ हजार ३५० सहित पक्राउ गरेको हो ।उनीबाट स्रोत नखुलेको ४८ हजार ७० समेत बरामद भएपछि कुल ८१ हजार ४२० नगद फेला परेको आयोगले जनाएको छ । अख्तियारका अनुसार दुवै जनाविरुद्ध थप अनुसन्धान भइरहेको छ ।
झापा, २३ असार । मौसमको प्रतिकूलताका कारण यसवर्ष देशभर धान रोपाइँ गत वर्षको तुलनामा १२ दशमलव ६२ प्रतिशतले कमी आएको छ । गत वर्ष ४५ प्रतिशत रोपाइँ भएकामा यस वर्ष ३२।३८ प्रतिशत रोपाइँ भएको हो । सोमबारसम्म देशभर चार लाख ४३ हजार ५९५ हेक्टर क्षेत्रफलमा रोपाइँ भएको कृषि विभागका महानिर्देशक प्रकाशकुमार सञ्जेलले जानकारी दिनुभयो । उहाँका अनुसार रोपाइँ हुने क्षेत्रफल १३ लाख ७० हजार ६२ हेक्टर हो । सुदूरपश्चिम प्रदेशमा ५७ दशमलव नौ, गण्डकीमा ४१, कर्णालीमा ४० दशमलव पाँच, लुम्बिनीमा ३७ दशमलव तीन, बागमतीमा ३३ दशमलव दुई, कोशीमा ३१ दशमलव पाँच र मधेस प्रदेशमा १५ दशमलव छ प्रतिशत रोपाइँ भएको…
झापा, २३ असार । बर्डफ्लुबाट प्रभावित ११ जिल्लामा रोग नियन्त्रणका क्रममा नष्ट गरिएका पन्छी तथा वस्तुको क्षतिपूर्तिस्वरुप ५२ करोड एक साताभित्र किसानलाई उपलब्ध गराउने पशुसेवा विभागले तयारी गरेको छ । विभागले रोग नियन्त्रणका क्रममा किसानका नष्ट गरिएको पन्छी, अण्डा तथा दानाबापत सम्बन्धित धनीलाई क्षतिका रकम मूल्याङ्कनका आधारमा ७५ प्रतिशत राहतस्वरूप उपलब्ध गराउने तयारी गरेको हो । बर्डफ्लु सङ्क्रमणका कारण झापा, मोरङ, सुनसरी, काठमाडौँ, ललितपुर, भक्तपुर, काभ्रेपलाञ्चोक, महोत्तरी, बारा, चितवन र नवलपरासी जिल्ला बढी प्रभावित भएका छन् । हालसम्म करिब सात लाख पन्छी, ११ लाख अण्डा र तीन लाख किलो दाना नष्ट गरिएको तथा करिब रु ७० करोड बराबरको आर्थिक क्षति…
झापा, २३ असार । झापाको कमल गाउँपालिका–३ मा कोब्रा सर्पको डसाइबाट एक महिलाको मृत्यु भएको छ । प्रहरीका अनुसार आइतबार साँझ करिब ७ः५० बजे कमल–३ निवासी ज्ञानबहादुर लिम्बूकी श्रीमती ४० वर्षीया सरस्वती मगर लिम्बूलाई आफ्नै घरको भान्सा कोठामा खाना पकाउने क्रममा कोब्रा सर्पले डसेको थियो । सर्पले डसेपछि उनलाई उपचारका लागि नेपाल रेडक्रस सोसाइटी, दमक लगिएको थियो । घटनाको जानकारी राति १०ः२५ बजे इलाका प्रहरी कार्यालय दमकमा प्राप्त भएपछि प्रहरी निरीक्षकको नेतृत्वमा टोली घटनास्थल तथा उपचारस्थलतर्फ खटिएको थियो । उपचारकै क्रममा राति १०ः४० बजे चिकित्सकले सरस्वतीलाई मृत घोषणा गरेका प्रहरीले जनाएको छ । घटनाबारे प्रहरीले आवश्यक अनुसन्धान गरिरहेको जनाएको छ…
झापा, २३ असार । हाल देशभर मनसुनी वायुको प्रभाव रहेको मौसम पूर्वानुमान महाशाखाले जनाएको छ । मनसुनको न्यून चापीय रेखा नेपालको पूर्वी भूभागतर्फ सरदर भन्दा दक्षिणमा र पश्चिमी भूभागतर्फ सरदर स्थानको आसपास अवस्थित छ । जसको प्रभावले हाल कोशी, बागमती, गण्डकी र लुम्बिनी प्रदेश तथा कर्णाली र सुदूरपश्चिम प्रदेशको पहाडी र हिमाली भूभागमा साधरणतया बादल लागेको छ । मधेस र सुदूरपश्चिम प्रदेशका तराई भूभागमा आंशिक बादल लागेको छ । आज दिउँसो देशभर साधरणतया बादल लाग्नेछ। देशका पहाडी र हिमाली भूभागका केही स्थानमा चट्याङ्गसहित मध्यमसम्म वर्षाको सम्भावना छ। लुम्बिनी र सुदूरपश्चिम प्रदेशका तराई भूभागका केहि स्थान तथा मधेस प्रदेश साथै कोशी,…
झापा, २२ असार । इङ्ल्यान्ड फिफा विश्वकप–२०२६ को क्वार्टरफाइनलमा प्रवेश गरेको छ । मेक्सिको अज्टेका स्टेडियममा सोमबार बिहान भएको खेलमा १० खेलाडीमा सीमित इङ्ल्यान्डले घरेलु टोली मेक्सिकोलाई ३–२ गोलले स्तब्ध बनाउँदै अन्तिम आठमा स्थान बनाएको हो । इङ्ल्यान्डको जितमा जुड बेलिङहमले ३६औँ र ३८औँ मिनेटमा लगातार दुई गोल गर्नुभयो । कप्तान ह्यारी केनले ६०औँ मिनेटमा पेनाल्टीमा एक गोल थप्नुभयो । यसअघि इङ्ल्यान्ड ५४औँ मिनेटमा १० खेलाडीमा समेटिएको थियो । जरेल क्वेनशाह रातो कार्ड पाउँदै बाहिरिनुभएको थियो । बल पोसेसन राम्रो राख्दै इङ्ल्यान्डलाई टक्कर दिएको सहआयोजक मेसिक्कोका लागि जुलियन कुईनोनेसले ४२औँ र राउल जिमिनेजले ६९औँ मिनेटमा पेनाल्टीमा गोल गर्नुभएको थियो ।…
झापा, २२ असार । आज पनि देशका विभिन्न स्थानमा वर्षा र हुरीको सम्भावना रहेको मौसम पूर्वानुमान महाशाखाले जनाएको छ। महाशाखाले आज बिहान जारी गरेको प्रक्षेपणमा दिउँसो देशका हिमाली र पहाडी भूभागका केही स्थानमा मेघगर्जन र चट्याङसहित मध्यमसम्म वर्षा रहिमपातको सम्भावना छ। कोसी, बागमती, गण्डकी, लुम्बिनी र सुदुरपश्चिम प्रदेशका तराई भूभागका थोरै स्थान, मधेस प्रदेशका एक–दुई स्थानमा मेघगर्जन रचट्याङसहित मध्यमसम्म वर्षाको सम्भावना छ। कोसी, बागमती, गण्डकी र सुदूरपश्चिम प्रदेशका पहाडी भूभागका एक(दुई स्थानमा भारी वर्षाको सम्भावना छ। मधेस प्रदेश साथै कोसी र बागमती प्रदेशको तराई भूभागका केही स्थानमा हुरीको सम्भावना छ। राति देशका हिमाली भूभागका थोरै स्थानमा मेघगर्जन र चट्याङसहित मध्यमसम्म…
तेहरान, २२ असार। इरानका सर्वोच्च नेता आयातोल्लाह अली खामेनीको अन्तिम संस्कारका लागि सोमबार राजधानी तेहरानमा विशाल शोक जुलुस सुरु भएको छ । खामेनीको पार्थिव शरीरलाई राष्ट्रिय झण्डाले ढाकिएको कफिनमा राखी परिवारका सदस्यहरूसहित ट्रकमार्फत तेहरानका मुख्य सडक हुँदै मेहराबाद अन्तर्राष्ट्रिय विमानस्थलतर्फ लगिएको छ । फेब्रुअरी २८ मा इजरायल र संयुक्त राज्य अमेरिकाले सुरु गरेको युद्धको प्रारम्भिक चरणमा भएको हवाई आक्रमणमा उहाँको मृत्यु भएको थियो । इरानी राज्य सञ्चारमाध्यमका अनुसार जुलुस सुरु भइसकेको छ भने सरकारप्रति जनसमर्थन प्रदर्शन गर्ने उद्देश्यले ठूलो सङ्ख्यामा नागरिकलाई सहभागी गराइएको छ । शोक अवधिलाई मध्यनजर गर्दै सडक, हवाई क्षेत्र तथा सार्वजनिक गतिविधिमा विशेष प्रतिबन्ध लगाइएको छ ।…
भद्रपुर, २२ असार । झापाको भद्रपुर नगरपालिका–५ स्थित मेची पुलबाट प्रहरीले ब्राउन सुगरसहित एक जनालाई पक्राउ गरेको छ। आइतबार अपराह्न करिब ४ः३० बजे इलाका प्रहरी कार्यालय भद्रपुर र लागूऔषध नियन्त्रण ब्युरो शाखा कार्यालय काँकडभिट्टाबाट खटिएको संयुक्त प्रहरी टोलीले भारतबाट नेपालतर्फ आउँदै गरेको प्र१–०१–०१२ प ९५३६ नम्बरको स्कुटर जाँच गर्ने क्रममा चालक बिर्तामोड नगरपालिका–९, गरामनी निवासी ४४ वर्षीय चन्द्रप्रसाद राजवंशीलाई पक्राउ गरेको हो। प्रहरीका अनुसार शंकाका आधारमा गरिएको जाँचका क्रममा राजवंशीले आफ्नो मलद्वारभित्र लुकाएर ल्याएको ब्राउन सुगर जस्तो देखिने लिसाइलो पदार्थ फेला परेको थियो। प्लास्टिकसहित उक्त पदार्थको तौल १६ ग्राम २५० मिलिग्राम र प्लास्टिकबाहेक १४ ग्राम १४० मिलिग्राम रहेको प्रहरीले जनाएको…
एजेन्सी, २२ असार । ब्राजिलका स्टार फरवार्ड नेइमारले अन्तर्राष्ट्रिय फुटबलबाट सन्यास लिएको घोषणा गरेका छन् । सन् २०२६ को फिफा विश्वकपको अन्तिम १६ चरणमा नर्वेसँग २–१ गोल अन्तरले पराजित भएर ब्राजिल प्रतियोगिताबाट बाहिरिएपछि ३४ वर्षीय नेइमारले राष्ट्रिय टोलीसँगको आफ्नो १६ वर्ष लामो यात्राको अन्त्य भएको बताएका हुन् । अमेरिकाको न्यू जर्सीमा रहेको मेटलाइफ स्टेडियममा खेल सकिएलगत्तै भावुक बनेका नेइमार मैदानमै आँसु झार्दै ढलेका थिए । टोलीका खेलाडी र प्रशिक्षकहरूले उनलाई सम्हालेका थिए । त्यसपछि ब्राजिली टेलिभिजन ग्लोबोसँग कुरा गर्दै उनले भने, “मैले सक्दो प्रयास गरें । अब मेरो यात्रा समाप्त भयो । यहीँबाट मैले ब्राजिलका लागि यात्रा सुरु गरेको थिएँ…