jhapaonline add
बनियानी, १९ मंसिर । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले सूचना प्रविधिको युगले सनातन धर्ममाथि थप चुनौती बढ्ने सक्ने बताउनुभएको छ । झापाको कचनकवल–६ बनियानीस्थित रामजानकी तथा रामेश्वर शिव मन्दिरद्वारा आयोजित संगीतपूर्ण श्रीमद्भागवत महापुराण सप्ताह ज्ञान महायज्ञ १०८ अन्तर्गत ३०औं महापुराणमा सम्बोधन गर्नुहुँदै अध्यक्ष लिङ्देनले पछिल्लो समय सनातन धर्म र हिन्दुत्वमाथि चुनौती बढ्दै गएको बताउनुभयो । “वर्तमान परिप्रेक्ष्यमा हाम्रो धर्ममाथि संकटको संकेत देखिँदैछ”, झापा क्षेत्र नं. ३ का सांसद समेत रहनुभएका उहाँले भन्नुभयो, “यस्ता चुनौतीहरू सामना गर्न चनाखो र जागरूक बन्नुपर्छ ।” धर्मको संरक्षणका लागि सबै सचेत हुनुपर्नेमा जोड दिनुहुँदै उहाँले धार्मिक अनुष्ठानहरूले धर्मप्रतिको जिम्मेवारीबोध गराउन महत्वपूर्ण भूमिका खेल्ने उल्लेख…
झापा, १९ मंसिर । झापाको हात्तीप्रभावित क्षेत्रमध्ये एक बिर्तामोड नगरपालिका–७ मा ‘एक घर, एक बत्ती अभियान’ शुरु गरिएको छ । जंगली हात्ती प्रभावित यस वडामा स्थानीयबासीलाई रातिको समयमा हिँड्डुल गर्न र हात्तीबाट बच्न सहज होस् भन्ने उद्देश्यले अभियान शुरु गरिएको वडाध्यक्ष अबिरल कृष्ण खरेलले जानकारी दिनुभयो । बिर्तामोड–७ मा रहेको २४ वटा टोलमध्ये हात्तीबाट बढी प्रभावित बाह्रघरे, झोलुङ्गे, खालबाडी, सिमसार, पाथिभरा, श्रीजंघा, फक्तालुङ लगायतका टोलमा एक सय ५० वटाभन्दा बढी उज्यालो दिने सडक बत्ती जडान गरिएको उहाँले बताउनुभयो । सडक बत्ती जडानका लागि प्रति बत्ती रू एक हजार पाँच सयदेखि रू तीन हजारसम्म खर्च लाग्ने जनाइएको छ । स्थानीयबासीको घरबाटै…
झापा, १९ मंसिर । झापाको कनकाई नगरपालिका र अर्जुनधारा नगरपालिकामा गौहत्याको आरोपमा पक्राउ परेका छ जनामाथि प्रहरीले पशुपंछीसम्बन्धी ऐनअनुसार कारबाही अघि बढाएको छ । मंसिर ११ गते कनकाई–३ टप्पुमा गाई काटेको आरोपमा बाह्रदशी गाउँपालिका–४ का ४६ वर्षीय बुधन आलम, उनकी श्रीमती ३९ वर्षीया कुरेसा खातुन, भारत किसनगञ्ज ठेगाना भई हाल कनकाई–३ मा बस्दै आएका २० वर्षीय दिलवर हुसेन, उनकी श्रीमती १९ वर्षीया महिदा खातुन र कनकाई–४ बस्ने २१ वर्षीय मोहम्मद मुन्ना आलम पक्राउ परेका थिए । मंसिर १३ गते अर्जुनधारामा पनि गौहत्या भएको थियो । त्यस घटनामा संलग्न अर्जुनधारा–४ का ५० वर्षीय राम तामाङ पक्राउ परेका छन् भने ५५ वर्षीय…
झापा, १९ मंसिर । झापाको गौरादह गरपालिका–४ स्थित डेरामारीमा गएराति आगलागी हुँदा करिब १५ लाख रुपैयाँ बराबरको क्षति भएको छ । गौरादह–४ डोरामारी स्थित खड्गबहादुर कार्की गाई गोठमा अचानक आगलागी हुँदा गाई गोठमा भएको खसी एउटा, माउ बाख्रा एउटा, पाठापाठी ३ वटा, गाईको बाच्छी एउटा जलेर मरेको छ भने एउटा गाई जली घाईते भएको छ । त्यस्तै, सोही स्थानमा रहेको को १९ प ४४९८, को १९ प ६६७८ नम्बरको मोटरसाइकल, अन्नपात पूर्ण रुपमा जलेर नष्ट हुँदा करिब १५ लाख बराबरको क्षति भएको जिल्ला प्रहरी कार्यालय झापाले जनाएको छ । आगो प्रहरी चौकी महारानीझोडाबाट खटिएको प्रहरी, गौरादह नगरपालिकाको बारुणयन्त्र र स्थानीयबासीले…
गोरखा, १९ मंसिर । चार दिनदेखि सम्पर्कविहीन भएकी गोरखाको बारपाक सुलिकोट गाउँपालिका–१, बारपाककी एक किशोरीको शव फेला परेको छ। यही मङ्सिर १५ गते शनिबार घाँस काट्न भनेर जङ्गल गएकी १८ वर्षीया सुचिना घलेको शव गाडिएको अवस्थामा भेटिएको जिल्ला प्रहरी कार्यालयका सूचना अधिकारी एवं प्रहरी नायब उपरीक्षक इन्द्रप्रसाद सुवेदीले जानकारी दिए। जङ्गलबाट सुचिना घर नफर्किएपछि परिवारजनले खोजीका लागि प्रहरीलाई जानकारी गराएका थिए। प्रहरी चौकी बारपाक र इलाका प्रहरी कार्यालय जौवारीबाट खटिएको प्रहरीले खोजतलासका क्रममा स्थानीय मैखर्कको जङ्गलमा खाल्डोमा पुरिएको अवस्थामा सुचिनाको शव फेला पारेको प्रनाउ सुवेदीले जानकारी दिए। किशोरीको हत्या भएको अनुमान गरिएको छ। गण्डकी प्रदेश प्रहरी कार्यालय पोखरासँग समन्वय गरी…
झापा, १९ मंसिर । साउदी अरेबियाले सन् २०२४ मा ३०० भन्दा बढी मानिसलाई मृत्युदण्ड दिएको छ । मङ्गलबार घोषणा गरिएको चार मृत्युदण्डपछि साउदीको मृत्युदण्डको कूल सङ्ख्या उच्चतम ज्ञात वार्षिक आँकडाभन्दा धेरै नै बढी भएको छ । गृह मन्त्रालयलाई उद्धृत गर्दै आधिकारिक साउदी प्रेस एजेन्सीले लागुऔषध तस्करीमा दोषी ठहरिएका तीन जनालाई र अर्का हत्याको अपराधीलाई मृत्युदण्ड दिएको जनाएको छ । राज्य सञ्चार माध्यमको रिपोर्टमा आधारित तथ्याङ्कअनुसार यसले यस वर्षका लागि मृत्युदण्डको कुल सङ्ख्या ३०३ पुर्याएको छ । खाडी राजतन्त्रात्मक मुलुक साउदी अरेबियाले सेप्टेम्बर महिनासम्म मृत्युदण्ड दुई सय पटक लागू गरेको थियो । यसले हालका हप्ताहरूमा मृत्युदण्डको गति तीव्र रहेको देखाउँछ ।…
झापा, १९ मंसिर । नेपाल राष्ट्र बैंकले बुधबारका लागि विदेशी मुद्राको विनिमय दर निर्धारण गरेको छ । आजका लागि तय भएको विनिमय दरअनुसार अमेरिकी डलर, युरोपियन युरो, युके पाउण्ड स्टर्लिङ, स्वीस फ्रयाङ्क, क्यानेडियन डलर, चिनियाँ युआन, मलेसियन रिङ्गेट, हङकङ डलरलगायतका विदेशी मुद्राको मूल्य घटेको छ । यस्तै, सिङ्गापुर डलर, बहराइन दिनार, ओमानी रियाललगायतको मूल्य वृद्धि भएको छ । जापानी येन, कतारी रियाल, स्वीस फ्रयाङ्कको भने मूल्य बढेको छ । राष्ट्र बैंकका अनुसार अमेरिकी डलर एकको खरिददर एक सय ३५ रुपैयाँ २० पैसा र बिक्रीदर एक सय ३५ रुपैयाँ ८० पैसा कायम भएको छ । युरोपियन युरो एकको खरिददर एक सय…
झापा, १९ मंसिर । नेपाल प्रिमियर लिग (एनपीएल) अन्तरगत आज कर्णाली याक्स र काठमाडौँ गुर्खाज तथा बिराटनगर किंग्स र लुम्बिनी लायन्स बीच हुँदैछ । कीर्तिपुरस्थित त्रिवि क्रिकेट मैदानमा बिहान ९ः१५ देखि शुरु हुने पहिलो खेलामा याक्स र गुर्खाज भिड्ने छन् भने दिउँसो १ः१५ देखि सुरु हुने दोस्रो खेल किंग्स र लायन्स प्रतिस्पर्धा गर्दैछन् । मंसिर १५ गतेदेखि सुरु भएको प्रतियोगितामा कुल ८ फ्रेन्चाइजीले भाग लिएका छन् । प्रतियोगिताको फाइनल खेल पुस ६ गते हुनेछ ।
झापा, १९ मंसिर । आज देशभरको मौसम सफा रहने जल तथा मौसम विज्ञान विभागले जनाएको छ । विभागका अनुसार आज दिउँसो कोशी प्रदेशको पहाडी भू–भागमा आंशिक बदली रही बाँकी भागमा मौसम सफा रहनेछ । त्यसैगरी, आज राति कोशी, गण्डकी र लुम्बिनी प्रदेशका पहाडी भू–भागमा आंशिक बदली रही बाँकी भागमा मौसम सफा रहनेछ । बिहीबार बिहान तराई तथा उपत्यकाका केही भागमा हुस्सु लाग्ने सम्भावना रहेकाले त्यसबाट दैनिक जनजीवन, यातायात तथा उडानमा आंशिक असर पर्नसक्ने भएकाले सतर्कता अपनाउन विभागले सम्बद्ध सबैलाई अनुरोध गरेको छ ।
झापा, १८ मंसिर । झापाको मेचीनगर नगरपालिका–११ स्थित तेलिबारीमा आज दिउँसो भएको सवारी दुर्घटनामा एक जनाको मृत्यु भएको छ । बस र मोटरसाइकल एकापसमा ठक्कर खाँदा आज दिउँसो मोटरसाइकल चालक भद्रपुर नगरपालिका–१० का ५५ वर्षीय किसन न्यौपाने मृत्यु भएको जिल्ला प्रहरी कार्यालय झापाले जनाएको छ । पूर्व–पश्चिम राजमार्ग अन्तरगत मेचीनगर–११ स्थित तेलिबारी बागमति प्र–०१– ००६ ख ४९०९ नम्बरको बस र मे १० प ३५७२ नम्बरको मोटरसाइकल एक आपसमा ठक्कर खाँदा मोटरसाइकल चालक न्यौपाने गम्भीर घाइते भएका थिए । उपचारका लागि बीएण्डसी अस्पताल बिर्तामोड लगिएकोमा अस्पताल पु¥याउना साथ चिकित्सकले न्यौपानेलाई मृत घोषित गरेको थियो । दुर्घटनामा संलग्न बस, बस चालक उदयपुर…