jhapaonline add
झापा, २५ जेठ । झापाको झापा गाउँपालिका–४ स्थित सुकुम्बासी बस्ती क्षेत्रमा प्रहरीले लागुऔषध ब्राउन सुगरसहित एक युवकलाई पक्राउ गरेको छ । आइतबारसाँझ करिब ५ः३० बजे प्रहरी चौकी टाघनडुब्बा बाट खटिएको प्रहरी टोलीले भारतबाट नेपालतर्फ साइकलमा आउँदै गरेका एक युवकलाई शंकाको आधारमा जाँच गरेको थियो। जाँचका क्रममा झापा गाउँपालिका–१ रङ्गेथान निवासी २० वर्षीय जीवन राजवंशीले साइकलको ह्यान्डलमा कालो प्लास्टिकभित्र लुकाएर ल्याउँदै गरेको १ ग्राम ५७ मिलिग्राम ब्राउन सुगरजस्तो देखिने लिसाइलो खैरो पदार्थ फेला परेको प्रहरीले जनाएको छ। लागुऔषध र साइकलसहित उनलाई नियन्त्रणमा लिई थप अनुसन्धानका लागि जिल्ला प्रहरी कार्यालय झापा पठाइएको छ।
झापा, २५ जेठ । राष्ट्रिय स्वतन्त्र पार्टी ९रास्वपा०ले ५६ जिल्लामा अधिवेशन सम्पन्न गरेको छ । बाह्र जिल्लामा निर्वाचन प्रक्रिया चलिरहेको छ । रास्वपाले शनिबार र आइतबार दुई चरणमा जिल्ला अधिवेशन तोकेको थियो । शनिबार ३८ जिल्लामा अधिवेशन सम्पन्न भएका थिए भने आइतबार २८ जिल्लामा अधिवेशन सुरु भएको थियो । आइतबार अधिवेशन सुरु भएका अधिकांश जिल्लामा नयाँ कार्यसमिति चयन भइसकेका छन् । रास्वापका प्रवक्ता मनिष झाका अनुसार कोशीका झापा, मोरङ, तेह्रथुम, ताप्लेजुङ, भोजपुर, सङ्खुवासभा, पाँचथर, ओखलढुङ्गा, सुनसरी, सोलुखुम्बु, खोटाङ, इलाम र धनकुटामा अधिवेशन सम्पन्न भइसकेका छन् । उदयपुरमा निर्वाचनको तयारी भइरहेको छ । मधेसका महोत्तरी, रौतहट, सिरहा, पर्सा र सर्लाहीमा अधिवेशनपश्चात्…
झापा, २५ जेठ । झापाको बिर्तामोड नगरपालिका–६ स्थित न्युटन अंग्रेजी स्कुल नजिकबाट प्रहरीले प्रतिबन्धित लागुऔषधसहित दुई जनालाई नियन्त्रणमा लिएको छ। आइतबार राति करिब ९ बजे राजु राजवंशीको घरमा लागुऔषध कारोबार भइरहेको भन्ने सूचनाका आधारमा इलाका प्रहरी कार्यालय अनारमनी बाट खटिएको प्रहरी टोलीले घरमा खानतलासी गरेको थियो । तलासीका क्रममा कोठाबाट प्लास्टिकबाहेक करिब ३ ग्राम प्रतिबन्धित लागुऔषधजस्तो देखिने लिसाइलो पदार्थ बरामद भएको प्रहरीले जनाएको छ । घटनामा संलग्न रहेको आरोपमा २८ वर्षीय राजु राजवंशी र ३० वर्षीय विक्रम भन्ने अभिनास चौधरीलाई नियन्त्रणमा लिई थप अनुसन्धानका लागि इलाका प्रहरी कार्यालय अनारमनीमा राखिएको जिल्ला प्रहरी कार्यालय झापाले जनाएको छ ।
तोमनाथ उप्रेती निःस्वार्थ भनेको आफ्ना आवश्यकताहरूलाई पूर्ण रूपमा अस्वीकार गर्नु होइन, बरु आफ्नो सीमित स्वार्थभन्दा माथि उठेर अरूको हितलाई पनि समान महत्व दिनु हो । जब मानिस आफ्नो व्यक्तिगत लाभभन्दा समाजको भलाइलाई प्राथमिकता दिन थाल्छ, तब उसले आफैँलाई पनि एक उच्च मानसिक शान्ति प्रदान गर्छ । यो शान्ति बाह्य सम्पत्तिबाट प्राप्त हुँदैन, यो आत्मिक सन्तोषबाट उत्पन्न हुन्छ । समाजको संरचना पनि निःस्वार्थ भावनामा नै टिकेको हुन्छ । परिवारदेखि राष्ट्रसम्म, प्रत्येक तहमा मानिसहरूले एकअर्काप्रति जिम्मेवारी र समर्पण देखाए मात्र समाज स्थिर रहन सक्छ । उदाहरणका लागि, एक शिक्षकले केवल तलबका लागि होइन, विद्यार्थीको भविष्य निर्माणका लागि पढाउँछ भने त्यहाँ ज्ञानको वास्तविक…
बिर्तामोड, २५ जेठ । झापाको बिर्तामोडमा आगामी जेठ ३० र ३१ गते ‘रोजगार मेला’ हुने भएको छ । बिर्तामोड नगरपालिकाको आयोजना तथा बिर्तामोड उद्योग वाणिज्य संघको सहकार्यमा उक्त मेला हुन लागेको हो । मेलाको तयारी र प्रभावकारिताका विषयमा जेठ २२ गते नगरपालिकाले सरोकारवाला पक्षहरूसँग वृहत् छलफल तथा अन्तक्र्रिया कार्यक्रम समेत सम्पन्न गरेको छ । छलफल कार्यक्रममा बोल्दै मेलाका सहजकर्ता सेवक बजगाईले रोजगारदाता र रोजगारको खोजीमा रहेकाहरूका लागि यो मेला निकै महत्त्वपूर्ण कडी बन्ने बताउनुभयो। उहाँका अनुसार मेलामा विभिन्न उद्योग, व्यवसाय र कम्पनीहरूका २५ वटा स्टलहरू रहनेछन् भने मेलामा २ हजारभन्दा बढी युवाहरूको सहभागिता रहने अपेक्षा गरिएको छ। नगरपालिकाका अनुसार १८…
झापा, २५ जेठ । सरकारले आइतबारको सार्वजनिक बिदा खारेज गर्ने तयारी गरेको भन्ने समाचारमा कुनै सत्यता नभएको जनाएको छ। प्रधानमन्त्रीका प्रेस तथा अनुसन्धान विज्ञ दीपा दाहालले आइतबारको बिदा हटाउने सम्बन्धमा सरकारले कुनै निर्णय नगरेको र हाल त्यस्तो कुनै तयारी पनि नरहेको स्पष्ट पार्नुभएको छ। केही सञ्चारमाध्यममा आइतबारको बिदा खारेज हुन लागेको समाचार प्रकाशित भएपछि सरकारले त्यसको खण्डन गरेको हो। यसअघि इन्धनको मूल्यवृद्धिका कारण जनजीवनमा सहजता ल्याउने उद्देश्यले मन्त्रिपरिषद्ले शनिबार र आइतबार सार्वजनिक बिदा दिने तथा कार्यालय समय बिहान ९ बजेदेखि अपराह्न ५ बजेसम्म कायम गर्ने निर्णय गरेको थियो।
झापा, २५ जेठ । रुद्र–गौरी श्री–अम्बिका ओली प्रतिष्ठानले यस वर्षको ‘श्रीप्रसाद ओली स्मृति राष्ट्रियरअन्तर्राष्ट्रिय प्रज्ञा पुरस्कार’ प्राडा सुरेशराज शर्मा र राष्ट्रिय आविष्कार केन्द्र लाई संयुक्त रूपमा प्रदान गर्ने भएको छ। प्रतिष्ठानद्वारा जारी विज्ञप्तिअनुसार पाँच लाख रुपैयाँ राशिको उक्त पुरस्कार शिक्षा, विज्ञान, अनुसन्धान तथा नवप्रवर्तन क्षेत्रमा पुर्याएको योगदानको कदरस्वरूप प्रदान गर्न लागिएको हो। यस्तै, ‘रुद्रप्रसाद ओली स्मृति राष्ट्रिय कृषि पुरस्कार’ वरिष्ठ बागवानी विज्ञ चुटराज गुरुङ र एग्रो मनाङ प्रालि लाई संयुक्त रूपमा प्रदान गरिने भएको छ। पुरस्कार तथा सम्मान आगामी जेठ ३० गते काठमाडौंमा आयोजित समारोहमा प्रदान गरिने प्रतिष्ठानले जनाएको छ।
चारपाने, २५ जेठ । नेपाल दशनामी समाज बिर्तामोड नगर कार्य समितिको आयोजनामा भएको तीन दिने उद्घोषण तालिम सम्पन्न भएको छ । झापाको बिर्तामोड–२ स्थित पर्शुराम पार्टी प्यालेसमा गत जेठ २२ गतेदेखि सञ्चालन भएको उद्घोषण तालिम आइतबार सम्पन्न भएको हो । नेपाल दशनामी समाज बिर्तामोड नगर समितिका अध्यक्ष खड्गराज गिरीको अध्यक्षतामा भएको तालिम समापन कार्यक्रममा नेपाल दशनामी समाजका केन्द्रिय अध्यक्ष गोबिन्दबिक्रम गिरीको प्रमुख आतिथ्य रहेको थियो । तालिमको सहजीकरण नेपाल दशनामी समाज महिला समिति केन्द्रिय सचिव तथा मेटिभेशनल स्पीकर तारा गिरीले गरेकी थिइन् । दशनामी बन्धुहरुलाई उद्घोषण सम्बन्धी ज्ञान दिने उदेश्यले तालिमको आयोजना गरिएको समाजका नगर अध्यक्ष खड्गराज गिरीले जानकारी दिए…
झापा, २५ जेठ । आज देशका विभिन्न भू–भागमा आंशिक बदलीदेखि बर्सातको सम्भावना रहेको छ । जल तथा मौसम विभाग, मौसम पूर्वानुमान महाशाखाका अनुसार आज दिउँसो कोशी प्रदेशलगायत बागमती र गण्डकी प्रदेशका हिमाली र पहाडी भू–भाग तथा बाँकी हिमाली भू–भागमा साधारणतया बादल लाग्नेछ । मधेस प्रदेशलगायत लुम्बिनी, कर्णाली र सुदूरपश्चिम प्रदेशको पहाडी भू–भागमा आंशिक बादल लाग्नेछ भने बाँकी तराईका भू–भागमा मुख्यतया सफा रहने महाशाखाले जनाएको छ । यस्तै, कोशी प्रदेशलगायत बागमती र गण्डकी प्रदेशका हिमाली र पहाडी भू–भागका थोरै स्थानमा र बाँकी हिमाली तथा पहाडी भू–भागका एक–दुई स्थानमा मेघगर्जनरचट्याङसहित मध्यमसम्मको वर्षा÷हिमपातको सम्भावना रहेको छ । आज मधेस प्रदेशलगायत, बागमती, गण्डकी, लुम्बिनी…
झापा, २४ जेठ । दूषित खाद्यवस्तुका कारण विश्वभर हरेक वर्ष करिब ६० करोड मानिस बिरामी पर्ने गरेका छन्। विश्व स्वास्थ्य सङ्गठन (डब्ल्युएचओ) का अनुसार खाद्यजन्य रोगबाट वार्षिक करिब चार लाख २० हजार जनाको मृत्यु हुने गरेको छ। सुरक्षित खाद्यवस्तुको महत्त्वबारे जनचेतना अभिवृद्धि गर्ने उद्देश्यले आज विश्वभर विभिन्न कार्यक्रमका साथ विश्व खाद्य सुरक्षा दिवस मनाइँदै छ। संयुक्त राष्ट्रसङ्घीय महासभाले सन् २०१८ मा जुन ७ लाई विश्व खाद्य सुरक्षा दिवसका रूपमा घोषणा गरेपछि सन् २०१९ देखि यो दिवस मनाउन थालिएको हो। दिवसको प्रवर्द्धन तथा समन्वय डब्ल्युएचओ र संयुक्त राष्ट्रसङ्घीय खाद्य तथा कृषि सङ्गठन ९एफएओ०ले संयुक्त रूपमा गर्दै आएका छन्। डब्ल्युएचओका अनुसार दूषित…