झापा, २८ असोज (एजेन्सी) । विश्वको सबैभन्दा शक्तिशाली रकेट स्टारशिपको पाँचौँ परीक्षण सफल भएको छ । यस परीक्षणमा पृथ्वीबाट ९६ किलोमिटर माथि पठाइएको सुपर हेभी बुस्टरलाई लन्चप्याडमा फिर्ता ल्याइएको थियो, जसलाई म्याकजिलाले समातेको थियो । म्याकजिलासँग दुईवटा धातु हातहरू छन् जुन चपस्टिक्स जस्तो देखिन्छ।
स्टारशिप पृथ्वीको वायुमण्डलमा पुनः प्रवेश गराएर हिन्द महासागरमा नियन्त्रित अवतरण गरियो । जब स्टारशिप पृथ्वीको वायुमण्डलमा प्रवेश गर्यो, यसको गति २६ हजार किलोमिटर प्रति घण्टा थियो र तापमान १ हजार ४३० डिग्री सेल्सियस पुगेको थियो ।
स्टारशिप आइतबार साँझ बोका चिका, टेक्सासबाट लञ्च गरिएको थियो । स्टारशिप स्पेसक्राफ्ट र सुपर हेभी रकेटलाई सामूहिक रूपमा ुस्टारशिपु भनिन्छ । स्टारशिपमा ६ र्याप्टर इन्जिन छन् भने सुपर हेभीमा ३३ र्याप्टर इन्जिन छन् । स्टारशिपको चौथो परीक्षण ६ जुन २०२४ मा भएको थियो, जुन सफल भएको थियो । यो १.०५ घण्टाको मिसन बोका चिकाबाट सुरु गरिएको थियो । यसमा, स्टारशिपलाई अन्तरिक्षमा लगियो र त्यसपछि पृथ्वीमा ल्याएर पानीमा अवतरण गरियो । परीक्षणको मुख्य लक्ष्य पृथ्वीको वायुमण्डलमा प्रवेश गर्दा स्टारशिप सकुशल रहन सक्छ कि भनेर हेर्नु थियो ।
झापा अनलाइन बिर्तामोडबाट सञ्चालित अनलाइन न्यूज पोर्टल हो । यसमा प्रकाशित समाचारबारे कुनै प्रतिक्रिया भए jhapaonline75@gmail.com मा इमेल गर्नुहोला ।
