jhapaonline add

सन्तोष शर्माझापा, १७ असार । झापामा कोभिड–१९ विरुद्धको १५ हजार डोज खोप आएको छ । नयाँ खोप तालिकासहित जिल्लामा कोभिड–१९ विरुद्धको १५ हजार डोज फाइजर खोप आएको स्वास्थ्य कार्यालय झापाका प्रमुख रमेश बाराकोटीले जानकारी दिनुभयो । “झापाका पालिकाहरुसँग समन्वय गरेर खोप वितरण गर्छौं”, उहाँले भन्नुभयो, “अब नयाँ तालिका अनुसार खोप कार्यक्रम अघि बढ्छ ।” नयाँ खोप तालिका अनुसार पाँच प्रकारका जनसंख्यालाई लक्षित गरिएको छ । रोगप्रतिरोध क्षमता कम भएका पाँच वर्षभन्दा माथिका बालबालिका, वयस्क र ज्येष्ठ नागरिकलाई प्राथमिकतामा राखिएको प्रमुख बाराकोटीले बताउनुभयो । त्यस्तै, स्वास्थ्यकर्मी र बिरामीको प्रत्यक्ष सम्पर्कमा आउने व्यक्ति, गर्भवती महिला, १२ वर्ष वा सोभन्दा माथिका उमेरका अन्य…

सन्तोष शर्माझापा, १७ असार । झापा लागुऔषध ब्राउनसुगरसहित करिब पाँच सय जना पक्राउ परेका छन् । जिल्लामा चालू आर्थिक वर्ष २०८१/०८२ को साउनदेखि असार १२ गतेसम्ममा लागुऔषध ब्राउनसुगरसहित चार सय ९४ जना पक्राउ परेको जिल्ला प्रहरी कार्यालय झापाका प्रवक्ता खगेन्द्रबहादुर खड्काले जानकारी दिनुभयो । पक्राउ परेकामध्ये चार सय ६७ जना (चार सय ४५ जना पुरुष, २२ महिला) नेपाली रहेका छन् भने २७ जना (२६ जना पुरुष, एक जना महिला) भारतीय नागरिक रहेका छन् । जिल्लामा लागुऔषध ब्राउनसुगर बरामद हुने क्रम बढेको छ । पछिल्लो तीन वर्षमा जिल्लामा छ किलो एक सय ३७ ग्राम ८१९ मिलिग्राम ब्राउनसुगर बरामद भएको छ ।…

बिर्तामोड, १७ असार । झापाको बिर्तामोड नगरपालिका वडा नम्बर २ स्थित चैतुबारीदेखि पश्चिमतर्फ कनकाई नगरपालिका वडा नम्बर ९ जोड्ने पञ्चरत्न मार्गको ७ सय मिटर खण्ड कालोपत्रे गरिएको छ। संघीय सरकारको रु १ करोडको बजेटमा उक्त सडक स्तरोन्नति गरिएको हो । कास्कीस्थित खप्तड कन्स्ट्रक्सन प्रा।लि।ले ठेक्का लिएर सडक निर्माणको काम सम्पन्न गरेको हो । झण्डै ४० वर्ष पुरानो सो सडक पहिलोपटक कालोपत्रे भएको हो । लामो समयदेखि धुलो, हिलो र खाल्डाखुल्डीका कारण समस्या भोग्दै आएका स्थानीयवासी कालोपत्रे सडक सञ्चालनमा आएपछि खुसी व्यक्त गरेका छन् । सडकको नगर उपप्रमुख नगेन्द्र प्रसाद संग्रौला, वडा नम्बर २ का वडाअध्यक्ष किशोर पौडेल लगायतले अनुगमन गर्नुभयो…

शिवसताक्षी, १७ असार । झापाको शिवसताक्षी नगरपालिकामा लामो समयदेखि स्वास्थ्य क्षेत्रमा स्वयम्सेविकाको रुपमा योगदान पुर्याएका दुई महिला स्वयमसेवीकालाई सम्मानसहित विदाई गरिएको छ। नगरपालिकामा विसं. २०५६ सालदेखि कार्यरत बृन्दादेवी पोख्रेल र २०४६ सालदेखि कार्यरत तुलसा घिमिरेलाई औपचारिक रुपमा विदाई गरिएको हो। अनिवार्य अवकास प्राप्त गरेका उनीहरूलाई नगरपालिकाले नगदसहित सम्मान प्रदान गरेको छ। नगरपालिकाको स्वास्थ्य शाखाको आयोजनामा भएको कार्यक्रममा नगर उपप्रमुख नरमाया कार्की र प्रमुख प्रशासकीय अधिकृत सुनिता तुम्बाहाङफेले संयुक्त रूपमा दुबै स्वयमसेवीकालाई सम्मान गरेका थिए। नगरपालिकाले उनीहरूलाई जनही रु। १ लाख पुरस्कार राशी प्रदान गरेको हो। कार्यक्रममा प्रमुख प्रशासकीय अधिकृत तुम्बाहाङफेले लामो समयसम्म समाज र समुदायको सेवामा समर्पित भई स्वास्थ्य क्षेत्रमा…

ताप्लेजुङ, १७ असार । ताप्लेजुङको मिक्वाखोला गाउँपालिका–३ का एक युवा तमोर नदीमा नुहाउने क्रममा बगेर बेपत्ता भएका छन् । जिल्ला प्रहरी कार्यालय ताप्लेजुङका अनुसार मिक्वाखोला–३ निवासी २५ वर्षीय लाक्पा शेर्पा आज दिउँसो साढे १२ बजे फुङ्लिङ नगरपालिका–१ स्थित तमोर नदीमा नुहाउने क्रममा बगाएर बेपत्ता भएका हुन् । बेपत्ता शेर्पा सेवालुङ क्रसरमा ट्याक्टर चालकका रूपमा कार्यरत रहेको प्रहरीले जनाएको छ । घटनापछि खोजतलासका लागि दोभान प्रहरी चौकीबाट प्रहरी सहायक निरीक्षक ओमनारायण श्रेष्ठको नेतृत्वमा पाँच सदस्यीय टोली परिचालन गरिएको जिल्ला प्रहरी कार्यालय ताप्लेजुङले जानकारी दिएको छ ।

मकवानपुर, १७ असार । पूर्वपश्चिम राजमार्ग अन्तर्गत हेटौँडा उपमहानगरपालिका–१५ स्थित रातोमाटेमा आज बिहान कोइला बोकेको ट्रक दुर्घटनामा परी एक जनाको मृत्यु भएको छ भने एक जना घाइते भएका छन्। भारतको वनारसबाट रिद्दिसिदी सिमेन्ट उद्योगका लागि कोइला ल्याउँदै गरेको युपी ६१ एटी ०९६२ नम्बरको ट्रक अनियन्त्रित भई दुर्घटनामा परेको हो। जिल्ला प्रहरी कार्यालयका प्रवक्ता श्यामु अर्यालका अनुसार गाजीपुर, उत्तर प्रदेशका ४५ वर्षीय चालक महेन्द्र यादवको घटनास्थलमै गम्भीर घाइते भएका थिए। ट्रकभित्र च्यापिएको अवस्थामा भेटिएका यादवलाई उद्धार गरी हेटौँडा अस्पताल ल्याइएको थियो तर चिकित्सकले उनलाई मृत घोषणा गरेका हुन्।

झापा, १७ असार । जल तथा मौसम विज्ञान विभागको मौसम पूर्वानुमान महाशाखाले आजको सम्भावित वर्षाबारे जानकारी दिएको छ। महाशाखाले बिहान ६ बजे जारी गरेको संक्षिप्त बुलेटिनअनुसार आज दिउँसो बागमती प्रदेश, गण्डकी प्रदेश र लुम्बिनी प्रदेशलगायत देशका पहाडी भूभागका केही स्थान तथा बाँकी भूभागका थोरै स्थानमा मेघगर्जनरचट्याङसहित हल्कादेखि मध्यम वर्षाको सम्भावना छ। कोसी प्रदेश, बागमती प्रदेश, गण्डकी प्रदेश र लुम्बिनी प्रदेशका एक(दुई स्थानमा भारी वर्षाको पनि सम्भावना छ। देशको उच्च पहाडी तथा हिमाली भूभागका थोरै स्थानमा हल्कादेखि मध्यम वर्षा–हिमपातको सम्भावना छ। आज राति कोसी प्रदेश, मधेस प्रदेश, बागमती प्रदेश र गण्डकी प्रदेशलगयात देशका पहाडी भूभागका केही स्थान तथा बाँकी भूभागका थोरै…

झापा, १७ असार । नेपाल आयल निगमले पेट्रोलियम पदार्थको मूल्यवृद्धि गरेको छ । निगमले गएराति १२ बजेदेखि लागू हुनेगरी पेट्रोलमा प्रतिलिटर पाँच रुपैयाँले वृद्धि गरेको हो । यस्तै, मट्टितेल र डिजलमा प्रतिलिटर चार रुपैयाँले वृद्धि गरेको छ । नयाँ मूल्यअनुसार पेट्रोल प्रतिलिटर १६५ रुपैयाँ पुगेको छ भने डिजल र मट्टितेल प्रतिलिटर १४९ रुपैयाँ पुगेको छ । इण्डियन आयल निगमले पठाएअनुसार यहाँ मूल्यवृद्धि गरिएको जनाइएको छ । हवाई इन्धन अन्तरराष्ट्रियतर्फ प्रतिकिलोलिटर अमेरिकी डलर ५१ ले वृद्धि भएको निगमले जनाएको छ ।

बिर्तामोड, १६ असार । बिर्तामोड नगरपालिकाको दोस्रो नगर सभाको सातौँ अधिवेशनको दोस्रो बैठक सफलतापूर्वक सम्पन्न भएको छ। बैठकले आगामी आर्थिक वर्ष २०८२–०८३ को नीति तथा कार्यक्रम र बजेटसहित विभिन्न महत्त्वपूर्ण प्रतिवेदनहरू सर्वसम्मतले पारित गरेको छ। नीति तथा बजेट पारित र प्रतिवेदनहरूको अनुमोदन नगर सभाका सभाध्यक्षबाट बैठकको प्रारम्भ भएको घोषणा गरिएसँगै असार ९ गतेको बैठकमा प्रस्तुत भएको नीति तथा कार्यक्रम बजेट, आर्थिक विधेयक २०८२ र विनियोजन विधेयक २०८२ माथि सदस्यहरूले व्यापक छलफल गरी आफ्ना विचार राखेका थिए। छलफलपश्चात् सभाध्यक्षले ती प्रस्तावहरू निर्णयार्थ प्रस्तुत गर्नुभएको थियो। बैठकले बिर्तामोड नगरपालिकाको आगामी आर्थिक वर्ष २०८२र८३ का लागि नगर प्रमुख पवित्रा महतारा प्रसाईंले प्रस्तुत गर्नुभएको…

बिर्तामोड, १६ असार । बिर्तामोड नगरपालिका वडा नम्बर ५ स्थित बुद्ध टोलका एकै घरका तीन जना दिदीबहिनीलाई बहुअपाङ्गता (पूर्ण अशक्तता) को आधारमा रातो कार्ड प्रदान गरिएको छ । नगर उपप्रमुख नगेन्द्र प्रसाद संग्रौलाले उनीहरूको घरमै पुगेर मनकुमारी शेर्माका छोरीहरू १७ वर्षीया आकृति लिम्बु, ईक्सा लिम्बु र ईन्तुसा लिम्बुलाई गम्भीर अवस्थाको मूल्यांकन गरी पूर्ण अशक्तता प्रमाणित गर्ने रातो कार्ड हस्तान्तरण गर्नुभएको हो । तीमध्ये ईन्तुसा ओछ्यानबाट उठ्नसमेत नसक्ने अवस्थामा रहेकी छन् । नगर उपप्रमुख संग्रौलाले उनीहरूको उपचारका लागि आवश्यक पहल गर्ने बताउनु भयो । यसअघि, गत वैशाख २२ गते जिल्ला प्रशासन कार्यालय झापाको टोलीले समेत उनीहरूकै घरमा पुगेर नागरिकताको प्रमाणपत्र वितरण…