jhapaonline add
झापा, २८ बैशाख । प्रेस सेन्टर नेपालले विभिन्न १० बुँदे मागसहित सरकारलाई ज्ञापन पत्र बुझाएको छ । सेन्टरले आज देशका सबै जिल्ला प्रशासन कार्यालयमार्फत सूचना तथा सञ्चार मन्त्रीलाई ज्ञापन पत्र बुझाएको हो । प्रेस सेन्टर नेपाल जिल्ला समन्वय समिति झापाले झापाका प्रमुख जिल्ला अधिकारी गोपालकुमार अधिकारीमार्फत ज्ञापन पत्र बुझाएको सेन्टरका झापा अध्यक्ष पुष्प खड्काले जानकारी दिए । सञ्चार कानुन निर्माणका लागि प्रस्तावित भइ छलफल भइरहेका विधेयकका कतिपय प्रावधान प्रेस तथा अभिव्यक्ति स्वतन्त्रतालाई संकुचन गर्ने र स्वतन्त्र पत्रकारितामा बाधा पुर्याउने खालका रहेका, पत्रकारको हत्या, आक्रमण, भौतिक तथा पेशागत असुरक्षा, प्रेस स्वतन्त्रता हननका घटनाको बढोत्तरी गर्ने कतिपय प्रावधानबाट प्रेस सेन्टर नेपाल चिन्तित…
इलाम, २८ बैशाख । नगरपालिकाले सुरु गरेको एकीकृत घुम्ती शिविरबाट नौ जना महिलामा पाठेघर मुखको क्यान्सर पोजेटिभ रहेको पाइएको छ । ४२ महिलाको पाठेघरको मुखको क्यान्सर परीक्षण गर्दा नौ जनामा क्यान्सर पोजेटिभ देखिएको इलाम नगरपालिकाका स्वास्थ्य प्रमुख उपेन्द्र खनालले जानकारी दिनुभयो । वडाका नागरिकहरूलाई वडा तहमै सेवा दिने उद्देश्यले इलाम नगरपालिकाले वडा –४ बाट शिविर सुरु गरेको हो । नगरपालिकाको नीति तथा कार्यक्रम अन्तर्गत सुरु गरिएको शिविरमा नागरिकको निःशुल्क स्वास्थ्य जाँच र औषधी वितरण, कृषि सेवा अन्तर्गत माटोको नमुना सङ्कलन, मकैमा लाग्ने फौजी किरा नियन्त्रणका लागि जैविक औषधी वितरण, अन्य बालीहरूसम्बन्धी परामर्श, पशु स्वास्थ्य सेवा परीक्षण, सुरक्षित वैदेशिक रोजगार सम्बन्धी…
झापा, २८ बैशाख । चालु आर्थिक वर्षको नौ महिनामा नेपालबाट हुने कुल वस्तु निर्यात ६५.२ प्रतिशतले वृद्धि भएको छ । नेपाल राष्ट्र बैङ्कले आइतबार जारी गरेको मुलुकको ९ महिनाको आर्थिक तथा वित्तीय स्थिति प्रतिवेदनले ९ महिनामा नेपालको निर्यात १८ खर्ब ८ अर्ब २० करोड पुगेको जनाएको छ । अघिल्लो वर्षको सोही अवधिमा यस्तो निर्यातमा ३।७ प्रतिशतले कमी भएको थियो । गन्तव्यका आधारमा भारत, चीन र अन्य मुलुकतर्फको निर्यात क्रमशः ९२.६ प्रतिशत, ६.७ प्रतिशत र ५.८ प्रतिशतले वृद्धि भएको छ । वस्तुगत आधारमा भटमासको तेल, पोलिस्टरको धागो,चिया, जुटका सामान, खोटो लगायतका वस्तुको निर्यात बढेको छ भने पाम तेल, जिङ्क शिट, अदुवा,…
कनकाई, २८ बैशाख । झापाको कनकाई नगरपालिका वडा नं. १ ले यहाँका अपाङ्गता तथा फरक क्षमता भएका परिवारलाई झुल वितरण गरेको छ । कनकाई–१ स्थित सुन्दरकाली मिलिजुली समूहसँगको समन्वयमा वडाले ६० परिवारलाई झुल वितरण गरेको हो । कनकाई–१ का कार्यवाहक अध्यक्ष दलबहादुर थापाको अध्यक्षतामा भएको कार्यक्रममा नगरप्रमुख राजेन्द्रकुमार पोखरेलको प्रमुख आतिथ्य रहेको थियो भने नगरपालिकाका प्रमुख प्रशासकीय अधिकृत नारायण न्यौपानको विशिष्ठ आतिथ्य रहेको थियो । कार्यक्रममा सम्बोधन गर्नुहुँदै नगरप्रमुख पोखरेलले समाजको सर्वाङ्गिण विकासका लागि सबै क्षेत्रको विकासलाई सँगसँगै लैजानुपर्ने बताउनुभयो । नेपालको संविधान र स्थानीय शासन सञ्चालन ऐनको अधिनमा रहेर नगरपालिकाले काम गरिरहेको बताउनुभयो । “समाजलाई अगाडि बढाउन, उठाउनका लागि…
झापा, २८ बैशाख । झापामा खुकुरी प्रहारी गरी श्रीमतीको हत्या गर्ने श्रीमान र खोटाङमा कोदालो प्रहार गरी श्रीमानको हत्या गर्ने श्रीमातीलाई प्रहरीले पक्राउ गरेको छ । बैशाख २७ गते राती साढे ८ बजे झापाको कनकाई नगरपालिका २ सुकेडागीका ३५ वर्षीय कविराज हेमरनले उनकै श्रीमती ३४ वर्षीया पुजा हेमरनलाई आपसी वाद विवादको क्रममा धारीलो हतियार खुकरीले घाँटी काटी हत्या गरेका थिए । घटनाको जानकारी प्राप्त हुनासाथ तत्काल इलाका प्रहरी कार्यालय सुरुङगाबाट खटिएको प्रहरी टोलीले श्रीमानलाई नियन्त्रणमा लिएको छ भने उक्त लाश पोष्टमार्टमको लागी प्रादेशिक अस्पताल भद्रपुर पठाएको छ । त्यसैगरी वैसाख २७ गते विहान खोटाङको हलेसी तुवाचुङ नगरपालिका ९ का ५१…
दमक, २८ बैशाख । ट्रकको ठक्करबाट गए राति दमकमा स्कुटी चालकको मृत्यु भएको छ भने एक जना घाइते भएका छन् । मृत्यु हुनेमा ताप्लेजुङ दोभानका २२ वर्षीय अङ्कित लिम्बू रहेको जिल्ला प्रहरी कार्यालय झापाले जनाएको छ । सोही घटनामा पाँचथर मिक्लाजुङ गाउँपालिका–४ का ४२ वर्षीया सृजना राई घाइते भएकी र उनको अवस्था पनि गम्भीर रहेको प्रहरी जनाएको छ । जिल्ला प्रहरीका प्रहरी प्रमुख राजन लिम्बूका अनुसार उनीहरू कामबाट कोठातर्फ फर्किँदै गर्दा गएराति दमक नगरपालिका–१ स्थित रवि स्टेण्डको गेटमा बेलडाँगीबाट दमकतर्फ आउँदै गरेको ग १ ख ६४३७ नम्बरको ट्रकले फाल्गुनन्द चोकबाट बेलडाँगीतर्फ जाँदै गरेको मे८प ४५५८ नम्बरको स्कुटीलाई ठक्कर दिएको थियो…
पाँचथर, २८ बैशाख । पाँचथरको मिक्लाजुङ गाँउपालिका ६ नावाखोला स्थितमा करेन्ट लगाई माछा मार्ने क्रममा १ जनाको मृत्यु भएको छ । वैशाख २७ गते मिक्लाजुङ गाँउपालिका ७ का २० वर्षीय ईसारा थिगिम नावाखोलामा करेन्ट लगाएर माछा मार्ने क्रममा जनेरेटरमा अचानक करेन्ट लाग्दा उनको घट्नास्थलमा नै मृत्यु भएको थियो । घटनाको जानकारी पाउन साथ इलाका प्रहरी कार्यालय रवि पाँचथरबाट खटिए प्रहरी टोलीले आवश्यक कानूनी प्रकृया तथा घटनाको थप अनुसन्धान गरीरहेको छ ।
झापा, २८ बैशाख । झापा र मोरङको बिभिन्न स्थानहरुबाट लागुऔषध ब्राउन सुगर सहित ६ जना प्रहरीको नियन्त्रणमा परेका छन् । वैशाख २७ झापाको गौरीगंज गाउँपालिका-२ स्थितबाट प्रहरी चौकी कोरोबारी झापाको प्रहरी टोलीले बा.२८ प ५३८४ नम्बरको मोटरसाईकल चालक दमक नगरपालिका-३ का २२ बर्षीय दिपेश बानिया र पछाडी सवार गौरादह नगरपालिका-५ का २२ बर्षीय अभिषेक राईलाई ब्राउन सुगर ८ सय ९० मिलिग्राम सहित नियन्त्रणमा लिई इलाका प्रहरी कार्यालय गौरीगंजबाट अनुसन्धान शुरु गरेको हो । यसैगरी लागुऔषध नियन्त्रण ब्यूरो विराटनगरको प्रहरी टोलीले विराटनगर महानगरपालिका-१६ स्थितमा भारतबाट नेपाल तर्फ आउदै गरेका मोरङको बेलबारी नगरपालिका-३ का २५ बर्षीय मिलन धिमाललाई ब्राउन सुगर २ ग्राम…
कनकाई, २७ बैशाख । झापाको कनकाईमा श्रीमानले धरिलो प्रहार गरी श्रीमतीको हत्या गरेका छन् । झापा कनकाई नगरपालिका–२ सुकेडागीका अन्दाजी ३५ वर्षीय कविराज हेमरनले शनिबार राति ११ः२० बजेको समयमा श्रीमती पूजा हेमरमको हत्या गरेका हुन् । झै–झगडा गरी आफु सुत्ने कोठामा धारीलो हतियार खुकरीले घाटीमा प्रहार गरी हत्या गरेको अवस्थामा उनको शव भेटिएको प्रहरीले जनाएको छ । खोजतलाशको क्रममा कविराज हेमरनलाई सुरुङ्गा सडकबाट नियन्त्रणमा लिइएको छ । घटना स्थाल सुरक्षित राखिएको, खुकुरी घटना स्थलवाट प्रहरीले नियन्त्रणमा लिएको छ । थप अनुसन्धान इलाका प्रहरी कार्यालय अनारमनी बिर्तामोडबाट भइरहेको छ ।
गाईघाट, २८ बैशाख । पिकअप जिप दुर्घटनामा परी प्रहरी सहायक निरीक्षकको मृत्यु भएको छ । आज गाईघाटबाट विराटनगर जाने क्रममा सुनसरीको दुहबी नगरपालिका–३ को फुटनी चोकमा दुर्घटनामा परी जिल्ला प्रहरी कार्यालय उदयपुरमा कार्यरत ३० वर्षीय विरोध खतिवडाको मृत्यु भएको हो । प्रदेश २–०१–००च २१५ नंको पिकअप गाडी अनियन्त्रित भई सडक छेउको विद्युत् पोलमा ठोकिएको र गाडीको अगाडिपट्टि सवार खतिवडाको घटनास्थलमा नै मृत्यु भएको जिल्ला प्रहरी कार्यालय उदयपुरले जनाएको छ । यहाँको त्रियुगा नगरपालिका–८ गैरुन स्थायी घर भएका खतिवडा आज बिहान कामविशेषले विराटनगर गएको सूचना अधिकारी प्रहरी नायब उपरीक्षक केदारमान दोङले जानकारी दिए । दुर्घटनामा चालक उदयपुरकै चौदण्डीगढी नगरपालिका–६ का ३८…