jhapaonline add
झापा, १ फागुन । मोरङ र सुनसरीको विभिन्न स्थानहरुबाट प्रतिबन्धित औषधि र लागुऔषध ब्राउनसुगरसहित ६ जनालाई प्रहरीले पक्राउ गरेको छ । माघ २९ गते विशेष सूचनाको आधारमा इलाका प्रहरी कार्यालय रंगेली मोरङबाट खटिएको प्रहरी टोलीले रंगेली नगरपालिका–४ चोप्राहाका २६ वर्षीय विपिनकुमार मण्डललाई ६ ग्राम ४ सय ३० मिलिग्राम लागुऔषध ब्राउनसुगरसहित रंगेली–७ स्थितबाट पक्राउ गरेको छ । त्यसैगरी, इलाका प्रहरी कार्यालय तरहरा सुनसरीले इटहरी–२० स्थितबाट सोही स्थानका इमन याख्खा, सुजन राई र निमा घलेलाई प्रतिबन्धित औषधि ८० चक्कीसहित, अस्थायी प्रहरी पोष्ट बस पार्क इनरुवाले इटहरी–१८ का २४ वर्षीय परमेश्वर चौधरीलाई १ ग्राम ३० मिलिग्राम ब्राउनसुगरसहित र सुनसरीको अस्थायी प्रहरी चौकी जनताबस्तीले…
बिर्तामोड, १ फागुन । वीरत जेसीजले बिर्तामोड–४ स्थित परोपकार वृद्ध आश्रममा जेष्ठ नागरिकहरूलाई भोजन ग्रहण गराएको छ । वीरता जेसीज वर्ष–२६ का अध्यक्षता जेसी लोकचन्द्र श्रेष्ठको अध्यक्षतामा भएको कार्यक्रमका प्रमुख अतिथि नेपाल जेसीजका पूर्व राष्ट्रिय उपाध्यक्ष सिनेटर घनश्याम चौधरी रहनुभएको थियो । प्रमुख अतिथि चौधरीले जेष्ठ नागरिकहरू समाजका अमूल्य सम्पत्ति भएको उल्लेख गर्दै उनीहरूको सम्मान, सेवा र संरक्षण सबैको साझा दायित्व भएको धारणा व्यक्त गर्नुभयो । कार्यक्रममा अध्यक्ष जेसी लोक चन्द्र श्रेष्ठले जेसीजले सधैं सामाजिक उत्तरदायित्वलाई केन्द्रमा राख्दै यस्ता मानवीय कार्यक्रमहरूलाई निरन्तरता दिँदै आएको र आगामी दिनहरूमा पनि जेष्ठ नागरिक लक्षित कार्यक्रमहरू थप प्रभावकारी रूपमा अघि बढाइने बताउनुभयो। कार्यक्रमको संयोजन…
बिर्तामोड, १ फागुन । एक्स्ट्रिम सातौँ झापा गोल्डकपमा आज आयोजकको टिम झापा ११ फुटबल क्लबले पहिलो सेमिफाइनल खेल विभागीय टोली एपिएफ फुटबल क्लबविरुद्ध खेल्दैछ । बिर्तामोडको डोमालाल राजवंशी रंगशालामा आज दिउँसो ३ बजे बिर्तामोडकै क्लब झापा ११ ले जारी राष्ट्रिय लिगमा तेस्रो स्थानमा रहेको ए डिभिजन क्लब एपिएफसँग फाइनल प्रवेशका लागि खेल्दैछ । आजको खेल जित्नेले कम्तिमा सात लाख ५० हजार रुपैयाँ सुरक्षित गर्नेछ । एपिएफ अनुभवी प्रशिक्षक राजेन्द्र तामाङको प्रशिक्षण तथा हरि कार्कीको कप्तानीमा प्रदिप लामा, युवराज खड्का, बुद्धिमान राई, मणिकुमार लामासहित आज झापा ११ विरुद्ध उत्रिदैछ । कप्तान कार्की जारी प्रतियोगितामा ह्याट्रिक गर्ने एक्ला खेलाडी हुन् । झापा…
भद्रपुर, १ फागुन । भद्रपुर झापा गोल्डकपको दोस्रो वार्षिक साधारण सभा आज सम्पन्न भएको छ । भद्रपुर झापा गोल्डकपका अध्यक्ष दिपेश ढकालको अध्यक्षता एवम् भद्रपुर नगरपालिकाका नगरप्रमुख गणेश पोखरेलको प्रमुख आतिथ्यमा दोस्रो वार्षिक साधारण सभा सम्पन्न भएको हो । साधारण सभालाई सम्बोधन गर्नुहुँदै नगरप्रमुख पोखरेलले भद्रपुरमा ऐतिहासिक रुपमा गोल्डकपलाई स्थापित गर्न सफल भएको बताउनुभयो । सबैको साथ र सहयोगले रङ्गशालाले पुनर्जीवन पाएको बताउनु हुँदै उहाँले नगरबाट निरन्तर सहयोग गर्ने प्रतिबद्धता जनाउनुभयो । रङ्गशालाको स्तरोन्नतिका लागि बजेट सुनिश्चित गर्न मन्त्रालयमा निरन्तर पहल भइरहेको उहाँले बताउनुभयो । कार्यक्रममा झापा जिल्ला खेलकुद विकास समितिका अध्यक्ष भेसराज भण्डारी ९प्रशान्त० ले गौचरणमा परिणत भएको रङ्गशाला…
भद्रपुर, १ फागुन । झापाको भद्रपुरमा पहिलोपटक आयोजित कोशी–पाथीभरा इण्डो–नेपाल टी–२० च्याम्पियनसीपको उपाधि आयोजक भद्रपुर क्रिकेट क्लवले जितेको छ । बिहीबार सम्पन्न फाइनल खेलमा भारतको राइनोल्याण्ड क्रिकेट क्लव आसामलाई ४ विकेटले पराजित गर्दै भद्रपुरले उपाधि जितेको हो । उपाधिसँगै भद्रपुरले नगद ५ लाख पुरस्कार प्राप्त गरेको छ भने उपविजेता आसामले नगद ३ लाख प्राप्त गरेको छ । भद्रपुर–८ स्थित मेची बहुमुखी क्याम्पसको क्रिकेट मैदानमा उल्लेख्य दर्शकका माझ दुबै टिमले उत्कृष्ट खेल प्रदर्शन गरे पनि अन्ततः भद्रपुरले बाजी मार्यो । टस जितेर भद्रपुरले पहिलो फिल्डिङ रोजेपछि ब्याटिङका लागि मैदानमा उत्रिएको आसामको सुरुआत राम्रो हुन सकेन । दोस्रो ओभरमा टिमको स्कोर ५…
झापा, १ फागुन । झापाको कचनकवल गाउँपालिका–७ मा बिहीबार जङ्गली हात्ती मृत फेला परेको प्रहरीले जनाएको छ । स्थानीय दीपज्योति सामुदायिक वनभित्र भाले हात्ती मृत फेला परेको जिल्ला प्रहरी कार्यालयका प्रवक्ता खगेन्द्रबहादुर खड्काले जानकारी दिए । डिभिजन वन कार्यालय चन्द्रगढीबाट गएको टोलीले आवश्यक कानुनी प्रक्रिया पूरा गरी हात्तीको सदगत गरेको प्रवक्ता खड्काले जानकारी दिए ।
झापा, १ फागुन । हाल देशमा पश्चिमी वायुको सामान्य प्रभाव रहेको छ भने कोशी, गण्डकी र कर्णाली प्रदेशका उच्च पहाडी तथा हिमाली क्षेत्रमा आंशिक बादल लागेको छ । जल तथा मौसम पूर्वानुमान महाशाखाका अनुसार देशका बाँकी भू–भागमा मुख्यतया मौसम सफा रहेको छ । आज दिउँसो तराई भू–भागका केही स्थानमा मध्याह्नसम्म हुस्सु रहनेछ । लुम्बिनी, कर्णाली र सुदूरपश्चिम प्रदेशमा बादल र बाँकी भागमा आंशिक बादल लाग्नेछ । त्यसैगरी, आज राति तराईका केही स्थानमा तुँवालो रहनेछ । कोशी र गण्डकी प्रदेशका उच्च पहाडी र हिमाली भागमा बादल लाग्नेछ र बाँकी भू–भागमा आंशिक बादल लाग्नेछ । कोशी र गण्डकी प्रदेशका उच्च पहाडी र…
सन्तोष शर्माझापा, २९ माघ । झापामा पछिल्लो अढाइ वर्षको अवधिमा पाँच हजार भन्दा बढी प्राणघातक रोग क्यान्सरका नयाँ रोगी थपिएका छन् । आर्थिक वर्ष २०८०/८१ देखि चालु आर्थिक वर्ष २०८२/८३ को पुष मसान्तसम्म (३० महिना) को अवधिमा १८ भन्दा बढी प्रकारका पाँच हजार दुई सय २८ जना नयाँ क्यान्सर रोगी फेला परेको स्वास्थ्य कार्यालय झापाका जनस्वास्थ्य निरीक्षक विश्वनाथ श्रेष्ठले जानकारी दिनुभयो । सो अवधिमा स्तन क्यान्सर आठ सय ७१, पाठेघरको क्यान्सर एक सय ९२, फोक्सो÷श्वासनलीको क्यान्सर चार सय ४४, अन्ननलीको क्यान्सर एक सय ५२, पेटको क्यान्सर एक सय चार जनामा देखिएको स्वास्थ्य कार्यालय झापाको तथ्यांक छ । त्यस्तै, थाइरोइड क्यान्सर…
बिर्तामोड, २९ माघ । एक्स्ट्रिम सातौँ झापा गोल्डकपमा आज मछिन्द्र फुटबल क्लबले अन्तिम क्वार्टर फाइनल खेलमा मलेसियाको एन पेनाङ फुटबल क्लबविरुद्ध प्रतिस्पर्धा गर्दैछ । डोमालाल राजवंशी रंगशालामा आज दिउँसो ३ बजे नेपाली नागरिकहरुले मलेसियामा सञ्चालन गरेको क्लबले उत्कृष्ट लयमा रहेको ए डिभिजन क्लब मछिन्द्रसँग सेमिफाइनल प्रवेशका लागि खेल्दैछ । जारी राष्ट्रिय लिगमा ६ खेलमा १६ अंकका साथ शीर्ष स्थानमा रहेको मछिन्द्र झापाली प्रशिक्षक प्रवेश कटवालको प्रशिक्षण तथा सुजल श्रेष्ठको कप्तानीमा झापाली खेलाडीहरु देवेन्द्र तामाङ, पेमा तामाङ, प्रदिप बुढाथोकीसहित आज एन पेनाङविरुद्ध उत्रिदैछन् । एन पेनाङबाट नेपाली यु २३ का सदस्य लहान सुब्बा पतङवासहित, मदन स्याङतेन, योगेश लिम्बू टिममा छन् ।…
झापा, २९ माघ । झापामा आजदेखि हाडजोर्नी चिकित्सकहरुको वृहत सम्मेलन ‘अर्थोकोन–२०२६’ हुँदैछ । नेपाल अर्थोपेडिक एशोसिएसनको ३१ औं वार्षिक सम्मेलनसँगै नेपाल, भारत, भुटान, बंगलादेश लगायत मुलुकका पाँच सयभन्दा बढी हाडजोर्नी चिकित्कसहरुको वृहत सम्मेलन हुने भएको हो । अर्थोकोन–२०२६ आयोजक समितिका अध्यक्ष डाक्टर लक्ष्मी मैनालीले एक सय जनाभन्दा बढी हाडजोर्नीका अन्तर्राष्ट्रिय चिकित्सक तथा नेपालका चार सयभन्दा बढी हाडजोर्नी चिकित्सकहरुको वृहत सहभागिता रहने बताउनुभयो । “शिक्षा, नवप्रवर्तन र सहयोग भन्ने मूल नारालाई आत्मसात गरेर हाडजोर्नीका विज्ञ चिकित्कसहरुको सहभागितामा झापामै पहिलो पटक यो कार्यक्रम गर्दैछौं”, उहाँले भन्नुभयो, “यो कार्यक्रमले यहाँको स्वास्थ्य पर्यटनलाई समेत प्रबद्र्धन गर्नुका साथै अर्थतन्त्रलाई समेत चलायमान बनाउनेछ ।” आजदेखि फागुन…