jhapaonline add

झापा, ४ पुस । लुम्बिनी प्रदेश, कर्णाली प्रदेश र सुदूरपश्चिम प्रदेशमा पश्चिमी वायुको आंशिक प्रभाव रहेको मौसम पूर्वानुमान महाशाखाले जनाएको छ । अन्य भूभागमा कुनै उल्लेखनीय मौसमी प्रणालीको प्रभाव रहेको छैन। आज दिउँसो लुम्बिनी प्रदेश, कर्णाली प्रदेश र सुदूरपश्चिम प्रदेशलगायत बाँकी हिमाली भूभागमा आंशिक बदली रहनेछ । आज राति सुदूरपश्चिम प्रदेशको पहाडी भूभागमा आंशिक बदली रही बाँकी भूभागमा मौसम मुख्यतया सफा रहने छ । शनिबार सुदूरपश्चिम प्रदेशको पहाडी भूभागमा आंशिक बदली रही बाँकी भू–भागमा मौसम मुख्यतया सफा रहने महाशाखाले जनाएको छ ।

हल्दिबारी, ३ पुस । झापाको हल्दिबारी गाउँपालिका वडा नम्बर ४ लाई आज बालमैत्री वडा घोषणा गरिएको छ । कोशी प्रदेश सभाका सभामुख अम्बरबहादुर बिष्टले हल्दिबारी–४ लाई बालमैत्री वडा घोषणा गर्नुहुँदै वडा नं. ४ का अध्यक्ष सन्तकुमार थापालाई प्रमाण–पत्र हस्तान्तरण गर्नुभयो । कार्यक्रममा जिल्ला समन्वय समिति झापा र हल्दिबारी गाउँपालिकाले समेत वडा नं. ४ लाई कदर पत्र प्रदान गरेको छ । त्यस्तै वडालाई बालमैत्री बनाउन योगदान पु¥याउने विभिन्न संघ–संस्था, व्यक्तिहरुलाई सम्मान गरिएको छ । प्रमुख अतिथि सभामुख बिष्टले बालमैत्री अभियानलाई सफल बनाउन निरन्तर काम गर्नुपर्ने बताउनुभयो । कोशी प्रदेश सरकारले हल्दिबारी–४ मा बालमैत्री अभियानका लागि केही न केही बजेट छुट्याउने सभामुख…

झापा, ३ पुस । झापा, मोरङ र सुनसरीबाट लागुऔषध ब्राउनसुगरसहित ४ जनालाई प्रहरीले पक्राउ गरेको छ । पुस २ गते विशेष सूचनाको आधारमा मोरङको इलाका प्रहरी कार्यालय लेटाङबाट खटिएको प्रहरी टोलीले लेटाङ नगरपालिका–५ का धिरज न्यौपानेलाई ९ ग्राम ब्राउनसुगरसहित नियन्त्रणमा लिएको छ। त्यसैगरी, झापाको इलाका प्रहरी कार्यालय दमकले दमक–६ का वीरबहादुर पौडेललाई १ ग्राम २३० मिलिग्राम ब्राउनसुगरसहित र कनकाई नगरपालिका–६ का गोपाल राजवंशीलाई १७० मिलिग्राम ब्राउनसुगरसहित अस्थायी प्रहरी पोष्ट दुर्गापुरले पक्राउ गरेको छ । त्यस्तै, सुनसरीको बराहक्षेत्र नगरपालिका–७ का विशाल राईलाई इलाका प्रहरी कार्यालय महेन्द्रनगरले ५८० मिलिग्राम ब्राउनसुगरसहित पक्राउ गरेको छ ।

झापा, ३ पुस । नेकपा एमालेको एघारौँ महाधिवेशनमा नयाँ नेतृत्व चयनका लागि भएको निर्वाचनमा कुल २,२६३ प्रतिनिधिमध्ये ३६ जनाले मतदानमा भाग लिन सकेनन् । निर्वाचन आयोगका अनुसार जम्मा २,२२७ मत खसेको छ । ३६ जना प्रतिनिधि विभिन्न कारणले मतदानमा सहभागी हुन नसकेको आयोगले जनाएको छ । मतदानमा अनुपस्थित हुनेमध्ये मुकुन्द न्यौपाने, वसन्त नेम्बाङ, बालकुमार काउछा, ब्रिजेश गुप्ता, राजकुमार गुप्ता, दानबहादुर विक, हिरबहादुर राजवंशी, पोस्टकुमार नेपाल, सरस्वती गौतम, सर्वतलाल राजवंशी, प्रदीपराज प्याकुरेल, समीर नेपाल, रचना उपाध्याय, अशोक केसी, घनश्याम कोइराला, सिर्जना नेपाली, अषिम कोइराला, दिनेश बास्तोला, बालुका बेलबासे, गिरिराज बेलबासे, राजेश अर्याल, मीना पोखरेल, तेजकुमार विक, पल्लबराज भट्ट, तिलक रिजाल, गोमा…

झापा, ३ पुस । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले मुलुक नबन्नुपर्ने कुनै कारण नरहेको बताउनुभएको छ । झापाको हल्दिबारी गाउँपालिका वडा नम्बर १ र ५ जोड्ने भुल्का मार्गको बुधबार उद्घाटन गर्नुहुँदै पूर्व उपप्रधानमन्त्री समेत रहनुभएका अध्यक्ष लिङ्देनले हरेक दृष्टिकोणले सम्पन्न नेपाल नबन्नुपर्ने कुनै कारण नरहेको बताउनुभयो । “विश्वका धेरै मुलुकहरूले फड्को मारिसकेको अवस्थामा नेपाल नबन्नुपर्ने कारण छैन”, उहाँले भन्नुभयो, “मुलुकको शिक्षा, नीति, राजनीति र नेतृत्व परिवर्तन आवश्यक छ ।” कुनै पनि काम गर्दा ‘खानुपर्छ, चोर्नुपर्छ’ भन्ने मानसिकता त्याग्न जरुरी रहेको उहाँ बताउनहुन्छ । देश पाँचदेखि १० वर्षमा बन्ने उल्लेख गर्नुहुँदै उहाँले भ्रष्टाचार नियन्त्रण गरेर असल सोचका साथ काम गरेर…

झापा, ३ पुस । निर्वाचन आयोगले ‘निर्वाचन कार्यक्रमका लागि नागरिक शिक्षा प्रवर्द्धन स्रोत पुस्तिका’ सार्वजनिक गरेको छ । ‘निर्वाचन शिक्षा तथा सूचनाको विस्तार स्वतन्त्र र निष्पक्ष निर्वाचनको पूर्वाधार’ नारासहित सामाजिक अध्ययन शिक्षकका लागि निर्वाचन शिक्षा स्रोत पुस्तिका, २०८२ तयार पारी आयोगले वेबसाइटमार्फत सार्वजनिक गरेको हो । स्रोत सामग्रीमा सात वटा परिच्छेदमा विभिन्न विषयवस्तु समावेश गरिएका छन् । परिच्छेद एकमा लोकन्त्र र संविधान, परिच्छेद दुईमा निर्वाचन तथा राजनैतिक दलसम्बन्धी व्यवस्था, परिच्छेद तीनमा निर्वाचन प्रणाली, विभिन्न तहको निर्वाचन तथा समावेशिता, परिच्छेद चारमा निर्वाचन चक्र, प्रक्रिया ९मतदान प्रक्रिया, नोटा ९नो भोट० मतगणना आदि० बारे विषयवस्तु समावेश छन् । यसैगरी परिच्छेद पाँचमा निर्वाचन व्यवस्थापन…

झापा, ३ पुस । नेपाल राष्ट्र बैंकले आजका लागि विदेशी मुद्राहरूको विनिमयदर निर्धारण गरेको छ । आज अमेरिकी डलर, अस्ट्रेलियन डलर, युरो, पाउन्ड, कुबेती र बहराइन दिनारसहित सबैजसो विदेशी मुद्राको विनिमयदर घटेको छ । केही दिनदेखि निरन्तर बढ्दै आएका यी मुद्राको मूल्य आज घटेको हो । आज अमेरिकी डलर १ को खरिदर १४४रुपैयाँ ३२ पैसा र बिक्रीदर १४४ रुपैयाँ ९२ पैसा छ । गएका केही दिनदेखि निरन्तर बढिरहेको अमेरिकी डलरको विनियमदरमा आज गिरावत आएको राष्ट्र बैंकले जनाएको छ । हिजो अमेरिकी डलर १ को खरिदर १४५ रुपैयाँ ३५ पैसा र बिक्रीदर १४५ रुपैयाँ ९५ पैसा थियो। अमेरिकी डलरको यो विनिमयदर…

झापा, ३ पुस । नेपाल कम्युनिष्ट पार्टी (एमाले) को ११ औँ राष्ट्रिय महाधिवेशनको नयाँ नेतृत्वका लागि भएको मतदानमा दुई हजार २२७ जनाले मतदान गर्नुभएको छ । महाधिवेशनस्थल भृकुटीमण्डपमा केहीबेर अघि मतदान सम्पन्न केन्द्रीय निर्वाचन आयोग उपाध्यक्ष सानुराज पोखरेलले जानकारी दिनुभयो । उहाँका अनुसार ३६ जना मतदानमा अनुस्थित भए । महाधिवेशनमा दुई हजार २६३ प्रतिनिधि मतदाता थिए । उहाँले मतगणना अहिले बिहान ८ः०० बजेदेखि सुरु गर्ने तयारी गरिएको जानकारी दिनुभयो । “मतगणनाका लागि मुचुल्का उठाउने र सहमति कायम गर्न अझ केही समय लाग्छ”, उहाँले भन्नुभयो, “मतगणना भएको तीन घण्टाभित्र परिमाण आउँछ ।” एमालेमा नयाँ नेतृत्वका लागि बुधबार बिहान ९ः१२ बजेदेखि मतदान…

झापा, २ पुस । नेकपा (एमाले) को ११औँ राष्ट्रिय महाधिवेशनमा झापाबाट १८ जनाले उम्मेदवारी दर्ता गराएका छन् । जसमध्ये पाँच जना तल्लो कमिटीका छन् । प्रदेश कमिटीको उपसचिवदेखि जिल्ला सदस्यसम्मले केन्द्रीय सदस्यमा उम्मेदवारी दिएपछि उनीहरूले पद गुमाएका छन् । केन्द्रीय सदस्य पदमा उम्मेदवारी दिनेहरूमा कोसी प्रदेश कमिटी उपसचिव जलवर्षा राजवंशी, प्रदेश कमिटी सदस्यहरू निता घतानी, होमबहादुर थापा, निर्मला सिवाकोटी र झापा जिल्ला कमिटी सदस्य मनोज ताम्ली छन् । झापाबाट यी नाम सहित केन्द्रीय सदस्यमा चिन्तन पाठकको पनि केन्द्रीय कमिटी सदस्यमा पहिलो अनुभव हुनेछ । एमालेको विधानमा अन्तिम नामावली प्रकाशन भइसकेपछि माथिल्लो तह वा माथिल्लो तहको पद स्वतः नरहने व्यवस्था रहेको…

झापा, २ पुस । सहारा नेपाल बचत तथा ऋण सहकारी संस्थाले २५ अर्बको ब्यालेन्ससिट (वासलात) बनाउने लक्ष्य लिएको छ । संस्थाले आफ्नो वित्तीय अवस्थालाई अझ मझबुत बनाउने सोच अनुरुप २०८२ देखि २०८५ सम्म २५ अर्बको वासलात बनाउने लक्ष्य लिएको हो । २०८२ आसार मसान्त सम्ममा १ लाख ९२ हजार २४० शेयर सदस्यहरु रहेको सहाराले ८० वटा सेवा केन्द्र मार्फत सेवा प्रदान गरिरहेको छ । संस्थाको शेयर पुँजी १ अर्ब ६९ करोड ७५ लाख, जगेडा कोष १ अर्ब ३२ कडोर ६८ लाख, बचत १४ अर्ब १५ करोड ७६ लाख, लगानीमा रहिरहेको ऋण ११ अर्ब ४७ करोड २७ लाख र ०८२ आषाढ…