jhapaonline add
बाजुरा, ४ साउन । बाजुराको हिमाली गाउँपालिका–५ अन्तर्गत कुवाडी–क्युडी भित्री कच्ची सडकखण्डमा सोमबार भएको जिप दुर्घटनामा उपचारका क्रममा थप दुई जनाको मृत्यु भएको छ। दुर्घटनामा घाइते भएका अन्य सात जनाको विभिन्न स्वास्थ्य संस्थामा उपचार भइरहेको प्रहरीले जनाएको छ। जिल्ला प्रहरी कार्यालय बाजुराका अनुसार कोल्टी आधारभूत अस्पतालमा उपचाररत हिमाली गाउँपालिका–२ निवासी ४० वर्षीय धर्मलाल बुढा र हुम्लाको ताजाकोट गाउँपालिका–५ निवासी करिब ४० वर्षीय अम्मर सिंह बुढाको उपचारकै क्रममा मृत्यु भएको हो। प्रहरीका अनुसार धुलाचौरबाट दुधिला खोलातर्फ जाँदै गरेको सुदूरपश्चिम प्रदेश ०१–००१ ज १८७८ नम्बरको जिप सोमबार दिउँसो करिब १स्२५ बजे हिमाली गाउँपालिका–५ स्थित कुवाडी–क्युडी भित्री कच्ची सडकखण्डको माथिल्लो मोडमा अनियन्त्रित भएको…
झापा, ५ साउन । देशभरका ७५३ स्थानीय तहमध्ये १३ वटा स्थानीय तहले हालसम्म चालु आर्थिक वर्षको बजेट सार्वजनिक गर्न सकेका छैनन्। बाँकी ७४० स्थानीय तहले भने बजेट सार्वजनिक गरी कार्यान्वयन प्रक्रिया अघि बढाइसकेका छन्। भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालयको पोर्टलमा सम्बन्धित स्थानीय तहले प्रविष्ट गरेको विवरणअनुसार बजेट नल्याउनेमध्ये सबैभन्दा धेरै मधेश प्रदेशका १० स्थानीय तह रहेका छन्। बजेट सार्वजनिक गर्न नसकेका स्थानीय तहमा सिराहाको सुखीपुर नगरपालिका र औरही गाउँपालिका, धनुषाको कमला नगरपालिका, रौतहटका गरुडा नगरपालिका, कटहरिया नगरपालिका, फतुवा विजयपुर नगरपालिका, मौलापुर नगरपालिका र यमुनामाई गाउँपालिका तथा पर्साका छिपहरमाई गाउँपालिका र पकाहा मैनपुर गाउँपालिका रहेका छन्। यस्तै,…
झापा, ५ साउन । मौसम पूर्वानुमान महाशाखाका अनुसार आज (मंगलबार) बिहान ६:२५ बजेसम्म देशका विभिन्न स्थानमा वर्षा भइरहेको छ। हाल कोसी, बागमती र गण्डकी प्रदेशका केही स्थान तथा कर्णाली प्रदेशका थोरै स्थानमा पानी परिरहेको छ। महाशाखाले सार्वजनिक गरेको विवरणअनुसार गएको २४ घण्टामा सबैभन्दा बढी वर्षा झापाको अनारमनी–बिर्तामा ९१.२ मिलिमिटर मापन गरिएको छ। आज दिउँसो देशभर सामान्यदेखि पूर्ण बदली रहनेछ। हिमाली भूभागका केही स्थानमा मेघगर्जन तथा चट्याङसहित मध्यम वर्षा वा हिमपात हुने सम्भावना रहेको छ। पहाडी भूभागका धेरै स्थानमा तथा कोसी, बागमती, गण्डकी, लुम्बिनी र सुदूरपश्चिम प्रदेशका तराईका केही स्थान तथा मधेस प्रदेशका थोरै स्थानमा पनि मेघगर्जन/चट्याङसहित मध्यम वर्षाको सम्भावना छ।…
अगरतला, ४ साउन । भारतीय राज्य त्रिपुराका प्रहरी महानिर्देशक (डीजीपी) अनुराग धनखड सोमबार अगरतलास्थित राज्य प्रहरी मुख्यालयमा रहेको आफ्नै कार्यालयभित्र मृत फेला परेका छन्। प्रहरीका अनुसार धनखड कार्यालयसँगै रहेको शौचालयमा अचेत अवस्थामा फेला परेका थिए। उनलाई तत्काल अगरतला सरकारी मेडिकल कलेज तथा गोविन्द बल्लभ पन्त अस्पताल लगिएको भए पनि चिकित्सकले मृत घोषणा गरेका हुन्। अस्पतालका चिकित्सा विभाग प्रमुख डा. प्रदीप भौमिकका अनुसार धनखडलाई कुनै पनि जीवनचिन्ह नभएको अवस्थामा अस्पताल ल्याइएको थियो। शवको पोस्टमार्टम प्रक्रिया सुरु गरिएको छ र रिपोर्ट आएपछि मात्र मृत्युको वास्तविक कारण खुल्ने बताइएको छ। घटनाबारे प्रहरीले अनुसन्धान सुरु गरेको छ। घटनाको जानकारी पाएलगत्तै त्रिपुराका मुख्यमन्त्री माणिक साहा,…
झापा, ४ साउन । नेपाल सरकारका सचिवहरूको बैठकले सार्वजनिक बिदा पुनरावलोकन गर्न अध्ययन कार्यदल गठन गर्ने निर्णय गरेको छ । मुख्य सचिव गोविन्दबहादुर कार्कीको अध्यक्षतामा सोमबार बसेको बैठकले सातामा दुई दिन सार्वजनिक बिदा लागू भइसकेको सन्दर्भमा अन्य सार्वजनिक बिदाको समीक्षा गर्न गृह मन्त्रालयका सहसचिवको संयोजकत्वमा पाँच सदस्यीय कार्यदल गठन गर्ने निर्णय गरेको हो । कार्यदललाई १५ दिनभित्र अध्ययन प्रतिवेदन गृह मन्त्रालयमा बुझाउन निर्देशन दिइएको छ । बैठकले चालु आर्थिक वर्षको बजेट तथा कार्यक्रम समय, लागत र गुणस्तर कायम गर्दै कार्यान्वयन गर्न तत्काल बजेट कार्यान्वयन तालिका तयार गरी सार्वजनिक खरिद प्रक्रिया अघि बढाउने निर्णय पनि गरेको छ । त्यसैगरी, जेनजी आन्दोलनका…
झापा, ४ साउन । पूर्व–पश्चिम राजमार्गअन्तर्गत झापाको रतुवा खोलामा निर्माणाधीन आधुनिक ‘ल्याण्डमार्क ब्रिज’ को काम ५० प्रतिशतभन्दा बढी सम्पन्न भएको छ। ५ सय ८५ मिटर लामो यो पुल आधुनिक आर्च स्टिल ट्रस प्रविधिमा निर्माण भइरहेको हो। पुलको चौडाइ १६.५ मिटर रहनेछ भने डबल लेन, सर्भिस लेन र फुटपाथको सुविधा हुनेछ। काँकडभिट्टा–लौकही सडक योजना पश्चिम खण्डका योजना प्रमुख जगत प्रजापतिका अनुसार पुल निर्माणमा उच्च गुणस्तरको स्टिल प्रयोग गरिएको छ। हाल निर्माण कार्य तीव्र गतिमा अघि बढिरहेको छ भने सन् २०२७ फेब्रुअरी २ भित्र सम्पन्न गर्ने लक्ष्य रहेको छ। करिब ८० वर्ष आयु हुने अनुमान गरिएको यो पुल सञ्चालनमा आएपछि हालको पुरानो…
झापा, ४ साउन । झापाको मेचीनगर नगरपालिका–१५ कालिका स्थित भित्री सडकमा आज बिहान भएको सवारी दुर्घटनामा एक महिलाको मृत्यु भएको छ। बिहान करिब १०ः४५ बजे काकडभिट्टाबाट भद्रपुरतर्फ जाँदै गरेको प्र.१–०१–००२ ह ७८०५ नम्बरको सिटी सफारी र विपरीत दिशाबाट आउँदै गरेको डिभिजन वन कार्यालय झापाको बागमती प्रदेश ०१–००२ झ ७३६० नम्बरको स्कार्पियो एकापसमा ठोक्किँदा दुर्घटना भएको हो। दुर्घटनामा सिटी सफारीमा सवार मेचीनगर–१५ की करिब ४० वर्षीया आरती उराउ गम्भीर घाइते भएकी थिइन्। उनलाई उपचारका लागि प्रादेशिक अस्पताल भद्रपुर लगिएकोमा बिहान ११ः१५ बजे चिकित्सकले मृत घोषणा गरेका थिए। दुर्घटनापछि फरार भएको स्कार्पियो गाडी र चालकलाई इलाका प्रहरी कार्यालय काँकरभिट्टाको टोलीले बिहान ११ः५०…
झापा, ४ साउन । झापाको दमक नगरपालिका–१ हवल्दार चोकस्थित एक टपरी होटलबाट प्रहरीले खैरो हेरोइनसहित एक जनालाई पक्राउ गरेको छ। जिल्ला इलाम चुलाचुली गाउँपालिका–४ पालिका टोल निवासी ३५ वर्षीय पूर्णकुमार राईलाई लागूऔषध कारोबार गरिरहेको भन्ने विशेष सूचनाका आधारमा लागूऔषध नियन्त्रण ब्युरो शाखा कार्यालय काँकडभिट्टा र इलाका प्रहरी कार्यालय दमकको संयुक्त टोलीले आइतबार साँझ पक्राउ गरेको हो। प्रहरीका अनुसार होटलभित्र खाजा खाने टेबलमा बसेका राईको शरीर खानतलासी गर्दा उनले लगाएको ज्याकेटको अगाडिको दाहिने गोजीभित्र टिस्यु पेपरमा पोका–पोका पारेर लुकाइराखेको अवस्थामा खैरो हेरोइनजस्तो देखिने लिसाइलो पदार्थ फेला परेको थियो। बरामद पदार्थको तौल गर्दा प्लास्टिकसहित २४ ग्राम ८१० मिलिग्राम तथा प्लास्टिकबाहेक २२ ग्राम…
झापा, ४ साउन । धान रोपाइँको मुख्य सिजन चलिरहेका बेला झापामा रासायनिक मलको अभाव देखिएको छ। आवश्यक परिमाणको एक चौथाइभन्दा कम मात्र मल उपलब्ध भएपछि यस वर्ष धान उत्पादनमा प्रत्यक्ष असर पर्ने चिन्ता किसानहरूले व्यक्त गरेका छन्। कृषि ज्ञान केन्द्र झापाका प्रमुख सागर विष्टका अनुसार जिल्लामा धानबालीका लागि १३ देखि १४ हजार मेट्रिकटन युरिया आवश्यक पर्नेमा हालसम्म करिब दुई हजार ४०० मेट्रिकटन मात्र आपूर्ति भएको छ। त्यसैगरी, करिब आठ हजार मेट्रिकटन डिएपी आवश्यक रहेकामा हालसम्म दुई हजार ५०० मेट्रिकटन मात्रै उपलब्ध भएको छ। “धानबालीको मुख्य समयमा आवश्यक परिमाणमा रासायनिक मल उपलब्ध हुन नसक्दा किसानले समयमा मल हाल्न पाएका छैनन्। यसले…
झापा, ४ साउन । स्पेनले अतिरिक्त समयमा अर्जेन्टिनालाई १–० ले पराजित गर्दै १६ वर्षपछि दोस्रोपटक विश्वकप फुटबलको उपाधि जितेको छ। अतिरिक्त समयको १०६औँ मिनेटमा फेरान टोरेसले गरेको निर्णायक गोलले स्पेनलाई विश्व च्याम्पियन बनायो। दोस्रो पहेँलो कार्डपछि एन्जो फर्नान्डेज बाहिरिएसँगै अर्जेन्टिना १० खेलाडीमा सीमित हुँदा स्पेनले त्यसको पूरा फाइदा उठायो। अर्जेन्टिना हार्नुका प्रमुख कारणहरू:मेस्सीमा अत्यधिक निर्भरता: स्पेनले लियोनेल मेस्सीलाई प्रभावहीन बनायो। अर्जेन्टिनाले वैकल्पिक आक्रमणको योजना देखाउन सकेन।रक्षात्मक रणनीति: अर्जेन्टिनाले आक्रमणभन्दा रक्षा प्राथमिकतामा राख्दा स्पेनले खेल नियन्त्रण गरिरह्यो।स्पेनको मिडफिल्ड वर्चस्व: रोड्री, पेड्रीलगायत खेलाडीले बल कब्जा र खेलको गति नियन्त्रण गर्दै अर्जेन्टिनालाई दबाबमा राखे।रातो कार्डको प्रभाव: एन्जो फर्नान्डेजको निष्कासनपछि अर्जेन्टिना अतिरिक्त समयमा कमजोर…