jhapaonline add
हल्दिबारी, ८ बैशाख । झापाको हल्दिबारीले जग्गा वर्गीकरण छुटेका र संशोधनका लागि अन्तिम पटकका लागि निवेदन माग गरेको छ । गाउँपालिकाले २०८१ चैत ३१ गते एक सूचना जारी गर्दै भू–उपयोग वर्गीकरण छुट भएका र वर्गीकृत क्षेत्र संशोधनका लागि अन्तिम पटक निवेदन दिने सार्वजनिक सूचना जारी गरेको हो । हल्बिारी गाउँपालिका क्षेत्र भित्रका निजी जग्गाहरुको भू–उपयोग वर्गीकरण गर्न छुटेका र वर्गीकृत क्षेत्र संशोधन गर्नुपर्ने जग्गाहरुको हकमा अन्तिम पटकका लागि मिति २०८२ बैशाख १५ गते भित्र निवेदन दिन सकिने नगरपालिकाका प्रमुख प्रशासकीय अधिकृत मानबहादुर वन (महेन्द्र) ले जानकारी दिनुभयो । उहाँका अनुसार सम्बन्धित वडा कार्यालयको सिफारिस तथा आवश्यक कागजातसहित गाउँपालिका कार्यालयमा निवेदन…
झापा, ७ बैशाख । धादिङको बेनिघाट रोराङ गाउँपालिका–७ कृष्णभिरबाट त्रिशूलीमा खसेको मोटरसाइकलमा सवार व्यक्तिको मृत्यु भएको छ। त्रिशूली नदीबाट उद्धार गरिएका सिन्धुली जिल्लाको तिनपाटन गाउँपालिका–९ निवासी २६ वर्षीय मिनबहादुर तामाङको मृत्यु भएको धादिङ प्रहरी प्रवक्ता डीएसपी सुवास हमालले जानकारी दिए । बा. प्र ०२–०२४ प ४०५४ नम्बरको मोटरसाइकल अनियन्त्रित भई सडकबाट झण्डै ३०० मिटर तल त्रिशूली नदी किनारमा खसेको थियो। मोटरसाइकलमा सवार अर्का एक जना बेपत्ता भएको आशंकामा सशस्त्र प्रहरीको गोताखोरले खोजी गरिरहेको छ। दुर्घटनाको थप अनुसन्धान भइरहेको प्रहरीले जनाएको छ।
झापा, ७ बैशाख । झापाको दुई भिन्न स्थानबाट प्रहरीले २२ लाख रुपैयाँ बराबरको अवैध सामान बरामद गरेको छ । बिर्तामोड र भद्रपुरबाट भन्सार छलेर ल्याएर ल्याइएको ती सामानसहित एक जनालाई प्रहरीले पक्राउ गरेको छ । शनिबार राति अन्दाजी १० बजे अर्जुनधारा–६ छाताचोकमा करिब १८ लाख १० हजार २५० रुपैयाँबराबरको अवैध मोबाइल र पाट्स बरामद गरिएको हो । इलाका प्रहरी कार्यालय बिर्तामोडबाट खटिएको टोलीले बेबारिसे अवस्थामा प्लास्टिकको बोरामा पोका पारी राखेको सामानहरु बरामद भएको जनाइएको छ । त्यस्तै, शनिबार राति ८ बजे भद्रपुर–९ मा भारतबाट नेपालतर्फ भन्सार छलेर ल्याइँदै गरेको २० कार्टुन मोबाइलको पार्टस बरामद गरिएको प्रहरीले जनाएको छ ।अन्दाजी ४…
झापा, ७ बैशाख । निषेधित क्षेत्रमा प्रदर्शन गरेको आरोपमा पक्राउ परेका राष्ट्रिय प्रजातन्त्र पार्टी ९राप्रपा० का अध्यक्ष राजेन्द्र लिङ्देनसहित सात नेतालाई प्रहरीले रिहा गरेको छ । सिंहदरबार र बानेश्वरस्थित निषेधित क्षेत्रमा प्रदर्शन गरेको आरोपमा प्रहरीले उनीहरुलाई पक्राउ गरेको थियो । अध्यक्ष लिङ्देन, उपाध्यक्ष बुद्धिमान तामाङ, सांसद ज्ञानबहादुर शाही, युवा मोर्चाका अध्यक्ष कैलाश कटुवाललगायतलाई नियन्त्रणमा लिइ अहिले छाडिएको जिल्ला प्रहरी परिसर काठमाडौँका प्रवक्ता एवं प्रहरी उपरीक्षक अपिलराज बोहराले जानकारी दिनुभयो । उहाँले भन्नुभयो, “निषेधित क्षेत्रमा प्रदर्शन गरेको आरोपमा अध्यक्ष लिङ्देनसहित सात जनालाई नियन्त्रणमा लिएका थियौँ । अहिले सबै जनालाई रिहा गरिएको छ ।”
झापा, ७ बैशाख । त्रिशूली नदीमा मोटरसाइकलसहित आज दुई जना खसेका छन् । बेनिघाट रोराङ्ग गाउँपालिका–७ स्थित त्रिशुली नदीमा खसेका दुई जनामध्ये एक जनाको सशस्त्र प्रहरीले उद्धार गरेको छ भने अर्का व्यक्तिको खोजी गरिरहेको छ। घटनाको जानकारी पाएपछि सशस्त्र प्रहरी बल बिपद् व्यवस्थापन तालिम शिक्षालय कुरिनटारबाट सशस्त्र प्रहरी निरीक्षक अस्मित कुमार चौहानको कमान्डमा गोताखोरसहितको सुरक्षाकर्मी परिचालन भएको थियो । खोजतलासको क्रममा बा प्र ०२–०२४ प ४०५४ नम्बरको मोटरसाइकल र एक व्यक्तिको उद्धार भएको हो । उद्धार गरिएकाको साथबाट मीनबहादुर तामाङ लेखिएको यातायातसँग सम्बन्धित नगदी रसिद फेला परेको छ ।
दुर्गापुर, ७ बैशाख । झापाको कनकाई नगरपालिका–७ दुर्गापुरस्थित फक्ताङ्लुङ एजुकेशन फाउण्डेशनले यही शैक्षिक सत्र २०८२ देखि ‘क्रियाकलापमा आधारित शिक्षण सिकाई’ कार्यक्रम सञ्चालनमा ल्याएको छ । फाउण्डेशनले विद्यार्थीलाई व्यावहारिक र युगसापेक्ष शिक्षा दिने उद्देश्यले क्रियाकलापमा आधारित शिक्षण सिकाई सञ्चालनमा ल्याइएको फाउण्डेशनका प्रिन्सिपल ओमविक्रम नेम्वाङले जानकारी दिनुभयो । विद्यार्थीलाई किताबी ज्ञान भन्दा पनि जीवन उपयोगी शिक्षा दिन जरुरी रहेकाले क्रियाकलापमा आधारित शिक्षण सिकाई पद्धति भित्र्याइएको बताउनुभयो । उक्त कार्यक्रमका लागि नवोदय इनोवेशन सेन्टर हेटौंडासँग सम्झौता गरिएको उहाँले बताउनुभयो । अधिकांश विद्यालयका ४० प्रतिशत भन्दा बढी विद्यार्थीलाई पढ्नै नआउने नवोदय इनोवेशन सेन्टर हेटौंडा प्रबन्धक नरेन्द्रकुमार नगरकोटी बताउनुहन्छ । “जबसम्म विद्यार्थीले राम्ररी किताब पढ्न…
संखुवासभा, ७ बैशाख । संखुवासभाको धर्मदेवी नगरपालिका ४ स्थितबाट अफिमसहित ३ जना र बिराटनगर १५ स्थितबाट ब्राउनसुगर सहित १ जनालाई प्रहरीले पक्राउ गरेको छ । बैशाख ६ गते बिशेष सुचनाको आधारमा संखुवासभाको इलाका प्रहरी कार्यालय चैनपुर र अस्थायी प्रहरी चौकी पिलुवा खोलाबाट खटिएको प्रहरी टोलीले धर्मदेवी नगरपालिका ४ का रामबहादुर अधिकारी, केशव घिमिरे, मादी नगरपालिका ६ का देवेन्द्र थपा समेतलाई अफिम जन्य पदार्थ विक्रिबितरण गरी रहेको अवस्थामा १२ ग्राम ३ सय ९० मिलिग्राम अफिम सहित पक्राउ गरेको हो । यसैगरी, मोरङको बिराटनगर १५ स्थितमा लागूऔषध नियन्त्रण व्युरो विराटनगरको प्रहरी टोलीले चेकजाँचको क्रममा सुन्दरहरैचा नगरपालिका २ का ३१ वर्षीय सरन डाँगीलाई…
सुनसरी, ७ बैशाख । सुनसरीको दुहबी नगरपालिका ४ स्थितबाट १ सय १६ किलोग्राम गाँजा बोकेको कार प्रहरीले नियन्त्रणमा लिएको छ । बैशाख ६ गते बेलुका विशेष सुचनाको आधारमा इलाका प्रहरी कार्यालय दुहबीबाट खटिको प्रहरी टोलीले दुहबी ४ मालहट्टी स्थितमा चेकजाँचको क्रममा बा. ७ च ९२६३ नम्बरको मारुती कारको डिकी भित्र ४ वटा जेब्रा झोलामा १ सय १६ किलोग्राम गाँजा बरामद गरेको हो । गाँजा बरामद भए संगै ओसार पसारमा संलग्न रहेका कार चालकको खोजतलास तथा अन्य अनुसन्धान कार्य भइरहेको छ ।
झापा, ७ बैशाख । मोरङ, सुनसरी र ताप्लेजुङको छुट्टा छुट्टै स्थानमा सवारी दुर्घटना हुँदा ३ जनाको मृत्यु भएको छ वैशाख ६ गते बिहान मोरङको उर्लाबारी-८ स्थित भित्रि सडक खण्डमा प्रदेश १-०२-४० प ७८८१ नम्बरको स्कुटर अनियन्त्रि भई दुर्घटना हुँदा स्कुटर चालक सोही स्थानका ५० बर्षीय नर कुमार लिम्बुको घटनास्थलमा नै मृत्यु भएको हो । सोही दिन सुनसरीको इटहरी उप महानगरपालिका-२० स्थित कोशी लोकमार्गको पानीपिया जंगलमा धरानबाट इटहरी तर्फ आउँदै गरेको बागमती प्रदेश ०१-०३० च ४६१८ नम्बरको कार आफैँ अनियन्त्रित भई रुखमा ठक्कर लागी दुर्घटना हुँदा घाइते भएका कारमा सवार इटहरी-१ का ४० वर्षीय बिष्णु राउतको उपचारको क्रममा धरान घोपामा मृत्यु…
वाशिंगटन, ७ बैशाख । अन्तर्राष्ट्रिय झापाली समाजको चौथो क्षेत्रीय सम्मेलन सम्पन्न भएको छ । झापाली समाज–अमेरिकाको आयोजनामा अमेरिकाको वाशिंगटन डीसी.स्थित होटल डबल ट्री हिल्टनमा यही अप्रिल ११ र १२ तारिख सो सम्मेलन सम्पन्न भएको हो । अन्तर्राष्ट्रिय झापाली समाजका अध्यक्ष मुकुन्द ढुंगानाको सभापतित्वमा यहाँस्थित नेपाली दुतावासका नियोग उपप्रमुख शरदराज ऐरनको प्रमुख आतिथ्यमा भएको द्विदिवसीय सम्मेलनमा विश्वभरिबाट १५० बढी झापालीहरूको उपस्थिति रहेको महासचिव नगेन्द्र पोखरेल ‘नवीन’ले जानकारी दिनुभयो । झापाली समाज–अमेरिकाका अध्यक्ष मोहन उप्रेतीले स्वागत र महासचिव सीता पाण्डे एवम् सचिव तोया पौडेलले सहजीकरण गर्नु भएको कार्यक्रममा विविध सांस्कृतिक कार्यक्रमहरू सहित भव्यताका साथ सम्पन्न भएको थियो । झापा जिल्लाको परिचयात्मक भिडियो…