jhapaonline add
बनियानी, १७ मंसिर । झापाको कचनकवल गाउँपालिकामा प्रमुख प्रशासकीय अधिकृत नहुँदा कामकाज प्रभावित भएको छ । करिब डेढ महिनादेखि प्रमुख प्रशासकीय अधिकृत नहुँदा यहाँको कामकाज प्रभावित भएको कचनकवल गाउँपालिकाका अध्यक्ष कालेन्द्रप्रसाद सिंह राजवंशीले बताउनुभयो । तत्कालीन प्रमुख प्रशासकीय अधिकृत सुभाषचन्द्र सुमन गत भदौ २४ गते सरुवा भएर गएपछि भदौ २७ गते प्रमुख प्रशासकीय अधिकृतका रुपमा पुण्यप्रसाद पौडेल हाजिर हुनुभएको थियो । उहाँले समेत गत कात्तिक ९ गते सरुवा भएर गएपछि गाउँपालिका प्रमुख प्रशासकीय अधिकृतविहीन भएको छ । “लामो समयदेखि प्रमुख प्रशासकीय अधिकृत नहुँदा गाउँपालिकाको काम प्रभावित भएको छ”, उहाँले भन्नुभयो, “गाउँपालिकाको काम ठप्पजस्तै बनेको छ ।” गाउँपालिकाले आह्वान गर्नुपर्ने बोलपत्रदेखि…
झापा, १७ मंसिर । आबद्ध बचत तथा ऋण सहकारी संस्था लि.को १२ औं साधारण सभा सम्पन्न भएको छ । झापाको कनकाई नगरपालिका २ स्थित जामुनखाडी सामुदायिक वनको सभाहलमा आज संस्थाको १२ औं साधारणसभा सम्पन्न भएको हो । संस्थाका अध्यक्ष नन्दमान भट्टराईको अध्यक्षतामा भएको कार्यक्रममा बिर्तामोड नगरपालिकाका सहकारी तथा सामाजिक विकास शाखा प्रमुख मोहनकुमार सुवेदीको प्रमुख आतिथ्य रहेको थियो । संस्थाका अध्यक्ष भट्टराईले बजारमा आर्थिक मन्दी र विभिन्न अफवाह फैलिए पनि संस्था प्रति सदस्यको विश्वास र माया नघटेको बताउनुभयो । संस्थाको आर्थिक वर्ष २०८० ८१ को प्रगति प्रतिवेदन अनुसार २०८१ को असार मसान्तसम्म सेयर सदस्य २ हजार ५८९ जना, सेयर पुँजी…
झापा, १७ मंसिर । झापाको शिवसताक्षी नगरपालिका–१० स्थित माई खोलाबाट प्रहरीले अवैध काठ बरामद गरेको छ । तस्करी गरेर लाँदै गरेको करिब ४० क्युफिट काठ प्रहरीले खोला किनारबाट बरामद गरेको हो । हिजो दिउँसो शिवसताक्षी–१० दोमुखास्थित कन्काई माई खोलाले काठ बगाउँदै ल्याइरहेको छ भन्ने जानकारी प्राप्त हुना साथ अस्थायी प्रहरी चौकी माईधारबाट प्रहरी टोली खटिएको थियो । प्रहरी टोलीले खोलामा बगाएर ल्याउँदै गरेको १ लाख २० हजार रुपैयाँ मूल्य पर्ने करिब ४० क्युफिट सखुवा जातको काठ फेला पारी आवश्यक कारवाहीको लागी गैंडे सामुदायिक वन उपभोक्ता समितिलाई बुझाएको जिल्ला प्रहरी कार्यालय झापाले जनाएको छ ।
झापा, १७ मंसिर । झापाको मेचीनगर नगरपालिकाबाट प्रहरीले २ लाख १८ हजार रुपैयाँ बराबरको अवैध सामान बरामद गरेको छ । हिजो दिउँसो जिल्ला प्रहरी कार्यालय झापा र इलाका प्रहरी कार्यालय काँकरभिट्टाबाट खटिएको प्रहरी टोलीले मेचीनगर–६ पिंङकीठ्याक हुँदै नेपालबाट भारततर्फ भन्सार छली लैजाँदै गरेको ४ काटुन लाइटर (४० हजार रुपैयाँ), ७ बोरा सुपारी (२१० केजी, १ लाख ६८ हजार) र सोही स्थानको मेचीडाँडा हुँदै भारतबाट नेपालतर्फ भन्सार छली ल्याउँदै गरेको लसुन २५ केजी (१० हजार रुपैयाँ) गरी करिब २ लाख १८ हजार बराबरको अवैध सामानहरु नियन्त्रणमा लिई आवश्यक कार्वाहीको लागी मेची भन्सार कार्यालय काँकरभिट्टा बुझाउने तयारी भइरहेको जिल्ला प्रहरी कार्यालय झापाले…
झापा, १७ मंसिर । मोरङको ग्रामथान गाउँपालिकाको अध्यक्ष पदका लागि भएको उपनिर्वाचनको पछिल्लो मतपरिणाम अनुसार नेकपा माओवादी केन्द्रका उम्मेदवार नमो नारायण माझीले ६ हजार २८० मतका साथ अग्रता कायम राखेका छन् । जितनजिक पुगेपछि यहाँ माओवादी कार्यकर्ताहरूले अबिर जात्रा सुरु गरेका छन् । उनका निकटतम प्रतिद्वन्द्वी नेपाली कांग्रेसका बलराम सरदार थारुले ४ हजार ७११ मत ल्याएका छन् । नेकपा एमालेका तुलसी राम विश्वास ३ हजार २६६ मतसहित तेस्रो स्थानमा छन् ।
झापा, १७ मंसिर । तेह्रथुमको लालीगुराँस नगरपालिका–३ को वडाध्यक्ष पदका लागि भएको उपनिर्वाचनमा नेपाली कांग्रेसका उम्मेदवार नगेन्द्र लिम्बु ४४० मतका साथ विजयी बनेका छन् । उनका निकटम प्रतिद्वन्द्वी नेकपा एमालेका बुद्धबहादुर लिम्बुले ३६० मत पाएका छन् भने राष्ट्रिय स्वतन्त्र पार्टीका सञ्जीव खड्काले ३८ मत, नेकपा माओवादी केन्द्रका कुमार विश्वकर्माले २६ मत र राष्ट्रिय प्रजातन्त्र पार्टीका रत्नबहादुर श्रीपालीले ४ मत प्राप्त गरेका छन् ।
ताप्लेजुङ, १७ मंसिर । ताप्लेजुङको सिरीजंघा गाउँपालिका–३ को वडाध्यक्ष पदका लागि भएको उपनिर्वाचनमा नेकपा एमालेकी उम्मेदवार कुमारी सावादेन विजयी हुनुभएको छ । उहाँ ३५३ मतका साथ विजयी बन्दा निकटतम प्रतिद्वन्द्वी नेकपा माओवादी केन्द्रका अम्वी साउदेनले २५२ मत ल्याउनुभयो । कांग्रेसका भीमकुमार लक्सम्वाले २१८ मत , संघीय लोकतान्त्रिक राष्ट्रिय मञ्चका राजेन्द्र लिम्बुले ५४, राष्ट्रिय स्वतन्त्र पार्टीका देवीप्रसाद पौडेलले ७ मत मात्र प्राप्त गर्नुभएको छ ।
झापा, १७ मंसिर । देशमा पश्चिमी वायुको सामान्य प्रभाव रहेको छ । मौसम पूर्वानुमान महाशाखाका अनुसार आज कोशी प्रदेश, गण्डकी प्रदेश र कर्णाली प्रदेशका पहाडी भूभागमा आंशिक बदली रही बाँकी भू–भागमा मौसम मुख्यतया सफा रहने छ। कर्णाली प्रदेशका उच्च पहाडी तथा हिमाली भूभागका एकदुई स्थानमा हल्का हिमपातको सम्भावना रहेको छ । मंगलबार देशभर मौसम मुख्यतया सफा रहने छ । बुधबार भने कोशी प्रदेशको पहाडी भूभागमा आंशिक बदली रही बाँकी भूभागमा मौसम मुख्यतया सफा रहने छ ।
मोरङ, १७ मंसिर । मोरङको ग्रामथान गाउँपालिकाको अध्यक्ष पदका लागि भएको उपनिर्वाचनको पछिल्लो मतपरिणाम अनुसार नेकपा माओवादी केन्द्रका उम्मेदवार नमो नारायण माझीले अग्रता कायम राखेका छन् । उनले ५ हजार ६०७ मत ल्याएका छन् । निकटतम प्रतिद्वन्द्वी नेपाली कांग्रेसका बलराम सरदार थारुले ४ हजार १६७ मत ल्याएका छन् । नेकपा एमालेका तुलसी राम विश्वास २ हजार ७४१ मतसहित तेस्रो स्थानमा छन् । राप्रपाका दिनेशकुमार थन्दारले ४३६ मत प्राप्त गरेका छन् भने राष्ट्रिय स्वतन्त्र पार्टीका नवीनकुमार विश्वास खवासले २ सय ७३ मत ल्याएका छन् ।
ओखलढुंगा, १७ मंसिर । ओखलढुंगाको मोलुङ गाउँपालिका–५ को वडाध्यक्षमा एमाले उम्मेदवार विजयी भएका छन् । एमाले उम्मेदवार गंगाबहादुर तामाङले ३९९ मत ल्याएर निर्वाचित भएका हुन् । कांग्रेसका घनश्याम दाहालले १७७ मत पाए। यस्तै राष्ट्रिय स्वतन्त्र पार्टीका विष्णुप्रसाद पोखरेलले १५१, माओवादीका मानबहादुर सुनुवारले २३ मत पाए । वडामा १३२५ मतदाता रहेकामा ७६८ मत खसेको थियो । यसअघि यस स्थानमा कांग्रेसका गोपीकृष्ण कार्की ३८४ मत पाएर विजयी भएका थिए ।